كان يا ما كان
في مثل هذه الأيام
كل عام
أقرر أن أبدأ من جديد
و لكن للأسف الشديد
أعود كما كنت
إنسان قديم
أكمل السطور المتقدمة
بحروف هجاء خاطئة
و كأن الأجل بعيد
أمحي النقطة و الفاصلة
بعد أن وضعتهما
بين الجملة القديمة
و الجملة التي تمنيت كثيرا أن أكتبها
مع بداية كل عيد
................................................
هذا في الأعوام السابقة
أما هذا العام
فالعزم أكيد
أن أتم هذه الجملة
و أضع النقطة
و أثبت الفاصلة
و أمحي الجمل السابقة
و أبدأ من أول السطر
جملة جديدة
بقلب جديد
و الله المعين
و الله شهيد
27 comments:
وأوفوا بعهد الله إذا عاهدتم ولا تنقضوا الأيمان
بعد توكيدها
وقد جعلتم الله عليكم كفيلا
إن الله يعلم ما تفعلون
حبيبي
بشمهندس محمد
http://www.islamway.com/?iw_s=Lesson&iw_a=view&lesson_id=151
كنت بأسمع الشريط ده و انا بأفرأ مدونتك
فقلت تسمعه معايا
فعلا مفيد جدا
و بيصب فى الموضوع اللى انت كاتبه
أنا هيكون لي تعليق تاني
بس لمل أقابلك و أتأكد ان انت مش زعلان مني
كل عام وانتم بخير
عيد سعيييييد
عصفور المدينة
ربنا يستر و أقدر أوفي بعهدي
دعواتك كتييييييييير
جزاكم الله خيرا أخي الحبب على زياراتك اللي بتشرفني دائما
محمد
fawzyy
يا سيدي انا شغال دايل أب , يعني عشان أسمع أغنية من النت بيطلع عيني
و بعدين يا بن الحاج فوزي قلتلك مليون مرة انا مش ممكن أزعل منك
ده انت حبيبي من أيام الجيزة
:)
يا ريت أسمع تعليقك و أشوفك في أقرب وقت
أخوك
محمد
امام الجيل
و انت بخير و سعيييييد
و ربنا يكرمك يا رب
محمد
أولا
بحبك فى الله
ثانيا
رحتلك و ملقتكش
ثالثا
التعليق بقى
بص يا هندسه كل مره بتكتب فيها موضوع بأقول هيبقى صعب يكتب واحد تاني بنفس الكفاءه و كل مره بتثبتلى العكس
عموما ده فتح من ربنا ملكش يد فيه
المهم
الموضوع ده متهيألى كل الناس هتفهمه زي بعض على عكس مواضيعك السابقه بس كل واحد هيتناوله من جهه مختلفه عن التانى
بس متهيألى يا بشمهندس إن إحنا بنقول كده كل عيد و دى النقطه الوحيده اللى أنا مختلف فيها معاك
إحنا فعلا كل مره بنحط النقطه
و نثبت الفصله
بس المشكله إن التقطه و الفصله دول مكتوبين بالرصاص عشان إحنا لسا بنتعلم الإملاء وعمرنا ما هنبطل تعلمها
و بالتالي اللى ربنا كرمه و كتبها صح
يحاول يحافظ عليها عشان متتمسحش
يعني بمعني آخر
النقطه دى الوحيده اللى بنحاول بعد ما نكتبها منمسحهاش علي عكس كل النقط اللى احنا نتمنى نكتبها بس
و تاني
بحبك يا هندسه
اتمناها لك جملة مفيدة .. مختومة بنقطة بدون فواصل كثيرة .. مكتوبة باللون الأحمر
اهم حاجة العزيمة
وانه يكون ناوى تبدأ من اول السطر فعلا دا هيساعدك كتير
ربنا معاك ويقويك ويوفقك فى تحقيق كل احلامك
عيد سعيد وكل سنة وانت طيب
تحياتى
استاذى محمد
كل سنة و انت طيب
انا مقصر معاك اوى اوى
ما تزعلش منى
انت وحشنى و نفسى اشوفك
و بالنسبة للتدوينة فاتعليقى ان احنا ممكن نتبادل الدعوات ان ربنا يثبت لنا الكلمة و النقطة و الفصلة و ما نرجعش تانى و نطلع رجالة مع انفسنا .. اتفقنا
بجد مواضيعك فى الجوووون
كل عام وانتم بخير هى متاخرة شوية بس معلش
وربنا يجعل كل ايام المسلمين عيد وحاجة كويسة اوى ان الواحد يحاول انه يكتب اصلا فى ناس حتى بتكسل تكتب مش بتتلخبط وتغلط وتنسى الفصلة والنقطة وكده
وفعلا متهيالى ننا كلنا محتاجين نكتب صح بقى ونبط غلطاتنا الهجائية ونفتكر فصلاتنا ونقطنا ونبدا قبل مننهى
وجزاكم الله خير
بن فوزي
أولا
أحبك الذي أحببتني فيه
ثانيا
رحتللي فين و ما لقتنيش ؟
أصلي مش موجود في كل مكان
:)
ثالثا
التعليق على التعليق بقى
ربنا يكرمك على الكلمتين الحلوين دول اللي أخجلت بيهم تواضعنا
بس على فكرة علشان انت اللي جميل بتشوف أي حاجة جميلة حتى لو الحاجات اللي بكتبها
متفق معاك يا حبيبي في كل اللي قلته
و تاني و تالت و رابع
انا كمان بحبك
:)
محمد
dead man
ربما نحتاج إلى بعض الفواصل للمراجعة
أما عن اللون الأحمر ففي خندق واحد جميعا
محمد
حدوتة
ربنا يعيننا جميعا و نبدأ من بداية السطر قبل انتهاء الصفحة
حينها لن نجد حبرا و لا أسطر للكتابة
كل سنة و انتي طيبة
محمد
تعالوا نحلم
حماده
عايز تشوفني !؟
إيه اللي منعك !؟
اعتذارك مش كفاية , انا مستني أشوفك
وحشني خالص
محمد
انسانة
و لا يهمك تأخير التهنئة , المهم انها وصلت
مهم قوي انا نكتب صح , و لو حاجة اتكتبت غلط لازم نرجع نصلحها قبل ما وقت التصليح و الكتابة يخلص
و جزاك اله خير
محمد
يأتى العيد تلو العيد
لنخط فوق كتاب الحياة
خطوطا جديدة
فنشترى المقلمة
ونجهز المحبرة
وتنضج الكلمات
فى اذهاننا
وتترائى لنا النقط والفواصل
من وسط الكلمات
من فرط وضوحها
إلا أننى اعرف أن
انسكاب المحبرة
وانكسار القلم
والصداع الذى ينتابنى
سوف ينسينى الكلمات الواضحة
وسأرها مموجة باهتة
وتضيع الفصلات
وتتوه النقط
ولذا سيكون هذا العيد
مثل كل أعياد مضت
اسمحلي و لأول مره مش هاوجه الكلام ليك
لأ لرشوان
بس من خلال مدونتك بعد إذنك
بص يا عبده
أولا الكلام جميل جدا فعلا بس أنا مش متفق معاك فيه
لسببين
الأول
مش معنى إن أنا كل مره بيحصلى فيها كده إن أنا محاولش كل مره لحد ما أنجح
و التانيه
أكيد فى مره من المرات المحبره اتكسرت بسرعه و مره تانيه قعدت كتير
و ده فى رأيي متوقف على
إنت مليتها بأى قدر و جودة فى رمضان
و كمان أقول ده اللى فضفضه قاله بس هو المره دى ناوي فعلا ميكسرش المحبره و ياخد بنادول و يكمل المشوار
و بحبكما فى الله
ادعو الله ان نفي بوعدنا جميعا يارب نبدأ من جديد وكنت لسه بسمع شريط للشيخ محمد حسين يعقوب عن ثمرات الصيام مفيد جدا ياريت تسمعه
وكل سنة وانت بخير وعيد سعيد علي الجميع
عبدالرحمن
عجباني قوي الرؤية السوداء و التشاؤم اللي بقيت بتتكلم بيه
حاسس انك لبست نضارة سودا و بقيت بتشوف بيها الدنيا
جمييييل
أيوه كده سيبك من التفاؤل و نصف الكوب المليان و الكلام الفاضي ده , و خليك كده على طول
:(
طبعا أنا بهزر
إيه يا عم !؟ مالك بقالك تدوينتين كل ما تعلق اللاقي كلامك بينقط منه كآبة !؟
و الكلام ده كان ممكن أتوقعه من أي حد إلا بودي
إيه اللي حصل ؟
على العموم ربنا يسعدك
واحشني كتييييير و نفسي أشوفك
سلام
محمد
بن فوزي
جميل قوي قوي قوي ردك
و لازم تشوف إيه حكايته الواد ده
إيه رأيك نخرج في يوم مع بعض و نجيبه معانا ؟
محمد
انسانة
كنت سمعت منه جزء و عجبني جدا
ان شاء الله اسمعه كله
ملحوظة
طبعا لاحظتي ان فيه مدونة تانية اسمها انسانة
فأنا كان عندي اقتراح أحسن من ان حد فيكم يتنازل عن انسانيته و عشان ما يحصلش لغبطة
زودوا اسم المدونة على الاسم
يعني تكتبوا
شويو شوية - انسانة
أحرار و لكن ... انسانة
عشان أبقى عارف انا بتكلم مع مين
و هو مجرد اقتراح
محمد
وان شاء الله تستمر
يعنى انا اخدت خطوة دراسية كان نفسى اخدها من زماااان
ولكنى كنت اظن بنفسى كل شيئ الا الخير
وكان تقديرى لها انها لن تقوى أبدا على الاستمرار
ولا على احراز اى تقدم
ولكنى اكتشفت غير ذلك
ويذكرنى ذلك بمعنى كنت سمعته وعجبنى
انه بغض النظر عن اننا لازم نظن بانفسنا خير
وده مهم طبعا
لكن فى شيئ جميل تانى
أن نتذكر دائما ان قوة التغيير للأفضل بداخلنا هى مستمدة من قوة الحياة نفسها من قوة ربنا سبحانه وتعالى الذى يحب لنا أن نزداد
ويحب لنا أن نعزم ونستمر
يعنى لما بنكون عاوزين نتغير..فاحنا كده ماشيين مع مراد الله لنا..فالقوة بتبقى هائلة جدا واكبر مما نتخيل
بس نكون صادقين
شعر جميل وخفيف.. وبعدين عبد الرحمن رشوان حيقلدك ولا أيه ؟.. بصراحة تعليقه حلو .. بس خلى يكتب فى كراسته
الفجرية
قوة التغيير موجودة بداخلنا بالفعل، وهي تنتظر من يوقظها من سباتها، وهناك حواجز كثيرة تمنعنا من الوصول إلى هذه القوة، والشيء الذي يجب أن يتمتع به الجميع للتغير هو
أن نعلم أولا بوجود قوة التغيير في أعماقنا
أن نثق ثقة مطلقة بقدرتنا على الوصول إليها
إيماننا بأن التغيير سنة الله وهو الذي طلب من الإنسان التغير وأن يطمح للأفضل دائما
و في النهاية يجب أن نتيقن أن الله هو المعين و هو الموفق
عن النبي صلى الله عليه وسلم فيما يرويه عن ربه عز وجل، قال
إذا تقرب العبد إلي شبراً تقربت إليه ذراعاً، وإذا تقرب إلي ذراعاً تقربت منه باعاً، وإذا أتاني يمشي أتيته هرولة
و المهم - زي ما قلتي - نكون صادقين
محمد
هندزة فرج
معنى ان حضرتك علقت يبقى النت اتصلح
الحمد لله
هو بصراحة اللي انا كاتبه مش شعر , هي شوية كلمات حسيت بيهم و جم كده
و مالهمش أي علاقة بالشعر
و بعد اذنك عبدالرحمن يكتب في الحتة اللي عاوزها
أهم حاجة ما يشغبتش
بتنورني يا باشا دايما
محمد
Post a Comment