Sunday, February 15, 2009

قل أعوذ برب الفلق ... بسم الله ما شاء الله



حاول بعض الأصدقاء ( الخبثاء ) بعد التدوينتين السابقتين أن يوقعوا بيني و بين زوجوجتي ... اسم الدلع لزوجتي
تساءلوا ببراءة ظاهرية و لؤم دفين : هل تقرأ زوجتك ما تكتب !!؟؟
ثم أعقبوا : و ما سر هذه السخرية في الكتابة !!!؟؟؟
ثم أضافوا في سؤال ألأم ( أي أكثر لؤما ) : هو أنت فعلا بتحب زوجتك !!!!؟؟؟؟
ثم نوهوا : نرى أنه من الأفضل أن نخبر زوجتك عن كتاباتك حتى نطمئن لا أكثر ... ما رأيك !!!!!؟؟؟؟؟
و إن لم توافق فما رأيك في عزومة فراخ تكا أو أكلة محترمة من المنوفي
الأمر إذا هكذا ... ابتزاز حقير
لااااااااااااااااااااااا ... لست أنا هذا الرجل الذي يبتز
فلتسمعوا أيها الأوغاد
أولا : أحب أن ( أطمئنكم ) بنفسي أن زوجتي لا تحتاج إلى من يخبرها بكتاباتي , فهي أول من تقرؤها و تجيز نشرها ( طبعا مش بمزاحي و لكن حكم القوي ... ما علينا ) هي تطلع على مسودة ما أكتب و تصل معي إلى الشكل النهائي , فإن رأيت ابتساماتها كانت هذه ( إمضاء الموافقة بالنشر ) التي أنتظرها , و إلا كانت ( ديليت ) لكل ما كتبت







ثانيا : اسمعوا الحكاية من بدايتها
منذ أول يوم رأيتها – بناء على دعوة صديق ( بدعيله لغاية انهارده ) رشحها لي و أصر أن أراها على الرغم من معرفته لعدم رغبتي في الزواج الآن , فأخبرني أنها ( أفضل إنسانة لي ) و لن أجد مثلها ... و منذ أن وقعت عيني عليها ... و نظرت إلي ... رأيتها قد امتشقت سهما ( مريشا ) محترما بعينيها و أطلقته دونما سابق إنذار فأصاب الهدف بمقتل ... و عندها علمت مدى كذب صديقي فهي ليست ( أفضل إنسانة لي ) , بل هي أفضل إنسانة ...( زوجتي بقى ) , أنا لم أقابل ملاكا من قبل , و لكن أظن إن قابلت فلن يختلف كثيرا
كان ذلك يوم الجمعة 29 / 2 / 2008 ( لاحظ إن هذا اليوم لا يتكرر إلا كل 4 أعوام ) ... رأيتها تتحدث عن أشياء ... و كذلك تحدثت - أنا - عن أشياء من باب التعارف ... و لكنها لم تكن تعلم أني لم أع شيئا مما تقول , و لم أكن أعلم ما أقول ... فقد كنت أتألم حينها من السهم الذي أطلق و ألفظ أنفاسي الأخيرة
سألتني أمي حين عدت للبيت : هاه ... إيه الأخبار
فلم أجب ... و كيف للميت أن يجيب ... و رأيت أمي تبتسم
و لم أشعر إلا و نحن نقرأ الفاتحة على روحي الطاهرة – إن شاء الله – يوم الخميس 3 / 4 / 2008
و تم استلام الكتاب – أقصد كتب الكتاب – يوم الأربعاء 13 / 8 / 2008
ثم أمر بدخولي الجنة يوم الاثنين 24 / 11 / 2008 , ذلك اليوم الذي طلب مني شريف – صديقي الصدوق - مقدم الحفل أن ألقي كلمة , فكانت الكلمة العظيمة قلت فيها : اغعغتاع لالاعلاتاعل لالعللاتال اتلاعتا 444نتاه لى77ليبل بنلتهل47تابل بتل تالالتاعا ... و هي كلمة عظيمة كما ترى أثرت في الحضور فقد رأيتهم و قد انهمرت الدموع من عيونهم ... من كثرة الضحك ... عليا
ثالثا : إن سألتموني من أكثر من أحب ؟
لأجيبن : زوجتي ...التي أرى في عينيها جيش أحلامي يتحقق
زوجتي ... التي خطت بمملكتي التي لم يخط بها بشر قط حتى غزتها و غرست بأرضها علمها الخاص , فكانت أميرتها و استحقت مفاتيح مملكتي القلبية بجدارة
زوجتي ... التي كنت أبحث عنها قبل أن أراها
زوجتي ... التي لم تتوقف لحظة عن الاستمرار في الهجوم بجيشها من طيبة قلب و فطرة نقية و جمال روح فسيطرت على كل المساحات المتبقية من قلبي و استلابها
زوجتي ... التي إليها لا أهدي هذه التدوينة فقط , و لكن أهدي إليها حياتي كلها






------------------------------------------------------------------------------------------------------

شكر واجب

... و ختاما
أشكر الإمام النووي – رحمه الله – الذي شرح في كتابه ( رياض الصالحين ) ما أباحه الشرع من الكذب , و منها جواز الكذب على الزوجة , فلولاه ما استطعت أن أكتب هذه الكلمات

36 comments:

دعوة الفردوس said...

ماشاء الله لا قوة إلا بالله


ده ايه ده كلللللللللللللله

البركة في النووي

Anonymous said...

ههههههههههههههههههههههههههههههههههههههههههههههههههههههههههههههههههه
قال إيه
بيكدب على مراته
يا هندسه
طب النووى حلل الكدب على مرات الواحد
انت كدبت على الأمه
و لأ راجع من يوم ما شفتها
ميت
و سهتااااااااااااان
و سااااااااااااااااارح
طيب أنا هراضى ضميرك
((اللى اتغير بعد الجواز ))
مش يوم ما رحت شفت المدام رجعت لعبت كوره
ولا أقوللك
بلاش دى أحسن أطلع داب أنا كمان
المهم
أقطع دراعى من أوله لو انت مكنتش كاتب التدوينه دى تحت ضغط ال(عصايا أو ما شابهها ))
بس فى الآخر برده تحت ضغط ال.... حطين الكلمتين دول عشان
الحسد
يلا
كلنا بنتحط تحت نفس الضغط حضرتك

يلا سلام يا ......بشمهندس ((سابقا )) و المتزوج حاليا


محمد بيه فوزى باشا من غير كدب

Unknown said...

(:

ربنا يخليكم لبعض يارب ويحكميكم

فوضى منظمة said...

والله من أول ما قرأت التدوينة وأنا عارف إن في حاجة غلط ..إنتابني شعور أنك متعاطي حاجة .. أو تكتب التدوينة تحت تهديد السلاح .. لست أنت هذا الرجل .. ثم وصلت الي آخر التدوينة .. وتأكدت ان قواك العقلية ما زالت بخير .. وأنك لا تهلوس..انا بجد ضحكت ضحك ..بس أيه الكلام الجامد ده .. ملاك .. وأحسن إنسان .. وبطولة رماية .. واصابة مباشرة .. انت مشفتش نفسك فعلا يوم الفرح والكلمة البليغة المعجزة اللي انت قلتها .. بس هي كانت تقريبا باللغة المصرية القديمة المعروفة بالهيلوغريفية .. اللي سمع الكلمة دي ميقولش انك تعرف تقول الكلام الحلو بتاع التدوينة .. يللا .. يبدو إن الجواز بيغير فعلا

ربنا يخليكم لبعض .. ويرزقكم الذرية الصالحة

Anonymous said...

إيه ده......... إنت تغيرت كتير
خلاص يا عم ,,,,, الله يرحم الرجالة
إين سي السيد بتاع زمان
حسبنا الله ونعم الوكيل
لا إله إلا الله
استغفر الله العظيم
كل ده عشان تتغدى... طيب إيه إللي غصبك على كده... ما انت كنت قاعد في بتكوا
انا من أول ما بدأت أقرأ وانا عمال اضحك....ههههههه
لغاية ما بكيت من كتر الضحك
كدة انا بدأت اخاف عليك.... بص يا عم ...من واحد خبرة
انت من الأول يا تبقى راااااجل ....يا إما كتكوت.. اختار بقى
بس بسرعة... قبل ما تقول يا زمان ارجع يا زمان

FadFadA said...

دعوة الفردوس
هاعمل إيه ؟؟؟؟
حكم القوي

محمد

FadFadA said...

محمد بيه فوزى باشا من غير كدب

... مش هأقولك غير كلمتين و بس
اقطع دراعك

محمد

FadFadA said...

esraa
يا رب يخليكي
جزاكي الله خيرا

محمد

FadFadA said...

SHAHEENSHY...فوضى منظمة
إنت جاي تولعها و لا إيه ؟؟؟؟

ياللا شد حيلك و اتغير انت كمان

ملحوظة : الكلمة كانت باللغة السنسيكريتية

محمد

FadFadA said...

حبيب قلبي
كنت عاوز أعرف بس يا ترى - بما إنك واحد خبرة - خبرتك رااااجل و لا كتكوت ؟؟؟

برده مش عاوز تعرفني على حضرتك ؟

محمد

Anonymous said...

تم
شكرا
محمد فوزى

Anonymous said...

اكيد راااااااااااجل
أي إيه الشبشب إللي جه في قفايا ده
ما علينا

انت عايز تعرف انا مين.... هتعرف في الوقت المناسب

فين التربية.... اصبر... ولا خلاص لما تعوز تعرف تعرف..... لازم تتعود على كدة
عشان تعرف تكمل في الجوازة

Anonymous said...

هاهااهاهاهاهاهاها.......ضحكتني والله ياهندسة.......بس تصدق انا اتبسطت لما قريت اخر التدوينة ,مش علشان هي ظريفة بس ولكن لانك في الكلام اللي فوق خلتني اسرح جدا....هل فعلا ممكن الواحد يحس بالمشاعر دي ويتجوز ويعيش القصة الجميلة دي ...؟ولا فعلا ثقافة الافلام اثرت فينا والكلام ده خيالي.اه انا متجوز بقالي 19 يوم بس والحمد لله سعيد ومبسوط ؟؟(علشان مفيش اي عازب انتهازي يفهم كلام غلط؟..سامعني ياشاهين) بس فعلا الواحد نفسه يعيش الحياة دي...اعتقد ممكن بمرور الايام والعشرة .؟.؟.؟يمكن.؟.؟بس اكيد هنعيشها في الجنة باذن الله ...بس اكيد مع مراتي حبيبتي برضه بدون هموم الدنيا ورزالتها.....بحبك غي الله ياهندسة وواحشني ...ودي دعوة الكترونيةلاسرتكم الصغيرة لزيارة حضرتنا نحن:العريس احمد تاسو.. والعروسة:اسماء..وهنشربكوا عصير كمان ياعم ...ويمكن يكون فيه تورتة لو رديت بسرعة....مستنيك

Anonymous said...

مادام الحوار فيه تورتة انا اكيييييييييييد جاي

وما عنديش مشكلة اسيب المدام بتاعتي عندكو علطول

اه.. انا آسف نسيت أسأل الأول هي الدعوة دي قاصرة على المهندس محمد وحرمه فقط.... ولا مفتوحة

soso said...

كان نفسى اكون فى الفرح واسمع الكلمتين الى موتوا المعازيم من الضحك
ربنا يسعدكم ويتوج زواجكم بالزرية الصالحة
بالفعل وان كان كذبا فسوف اقولك لك اكذب ياعم
يمكن تخلينى اتشجع جدا للخطوة دى
اصل كل الى عندى صادقين جدا
محدش بيعرف يكذب
اضحك الله سنك يااخ محمد
:)

FadFadA said...

محمد فوزي
سؤال بسيط
إنت كتبت التعليق إزاي طالما تم !!!؟؟
آه يا كدااب

شكرا

FadFadA said...

حبيب قلبي
بدأت أعرف حضرتك مين
و شكرا

FadFadA said...

تاسو
يابن الذين
و الله وحشني موووت

صدقني يا أحمد ممكن
و لما أشوفك هبقى أقولك

عندي شوية ظروف أول ما هتخلص هاجي ... للتورتة

محمد

FadFadA said...

حبيب قلبي
قاصرة

FadFadA said...

soso
ربنا يرزقك بواحد صادق
و يقولك الكلام ده

بصي كان فيه واحد من كفر الكدابين بيقول إن الكفر بتاعه مشهور بالكدب
تصدقيه و لا لأ ؟؟؟

التدوينة ديه كده

مش عارف وصلت و لا لأ

محمد

Muhammad A. Ayoub said...

تعرف إن أنا مش عاوز أعمل الموضوع ده دلوقت - اللي هو الجواز - لأني رحت قبل كده وشفت عروسة وكانت كارثة - الزيارة مش العروسة - لم تكن هناك أية أسهم أو حراب بل مدفعية ثقيلة من النوع اللي قلبك يحبه و مواقف كارثية إنتهت بقيامي و عزمي على عدم تكرار ذلك في الفترة القريبة اللي هيه عشرين سنة تقريباً
بس أنا مبسوط عشانك ، وربنا يكرمك بذرية صالحة ورزقاً حلالاً طيبا
بجد طريقتك كوميدية جداً ، كان نفسي أسمع الكلمة البليغة بتاعتك في الفرح ، أكيد كانت من النوع اللي بحبه
سلام ياباشا

أنسانة-شوية وشوية said...

ايوه كده يا محمد هى دى الصراحة اللي انا كنت مستنياها من ساعة ما عرفت انك خلاص وقعت في شراك الحب واصبحت تمتلك دائرة فضية حول اصبعك اليمنى ومنها الي اليسري، اام الله عليكما الحب ملئه حب وطاعة لله ورزقكم الذرية الصالحة بإذن الله

سلامى وتحياتي لزوجوجتك

شهيدة said...

شيء رائع والله

بارك الله لكما وزادكما

www.alkadarwana.blogspot.com said...

ياريت اقرا لك مدونة بعد سنتين ويكون فيها الكلام الجامد دا ياراجل
ربنا يديم على كل الرجالة نعمة حب الزوجات والخوف منهم كمان

انسااااااااانة....غريبة said...

ما شاء الله هو فى حد بيحب مراته كده

يااااااه ما شاء الله يبختها بيك ربنا يخلهالك يا رب ويرزقكوا الذرية الصالحة ويسعدكوا يا رب


بس مش فى فاهمة النووى ده ؟ يعنى انت بتكذب فى اللى قلته ولا هزار وكده يعنى ولا ايه؟


ما علينا بجد جميل الموضوع ربنا يخليلك زوجتك يا رب

Anonymous said...

السلامو عليكم انا ان شاء الله لو ربنا ادانى عمر ان شاء الله بعد سنة اثنين عايزة اقرا فى المدونة ها تقول اية عنة السيدة الفاضلة الله اعلم المهم ربنا يخليهالك وتكون ايام كلها سعادة وشكرى انا كمان للامام النووى رحمة الله هو ممكن الرجل او الست تكذب على بعض ممكن لية لا ممكن


قتطى

Anonymous said...

ساعات بنكذب و احنا مش عارفين اننا بنكذب بس لازم نكذب عارف ليه علشان تعدى و لو ما عدتش يبقى هتوقف و يبقى شكلها وحش و رخمة و غلسة كمان فلازم نكذب و بصراحة احلى كذب عارف ليه لانه بيحليها
و سلامى الى كل الكذابين قصدى المتجوزين

FadFadA said...

يا عم أيوب
توكل على الله
مش عشان تجربة لم تنجح معناه توقف الدنيا كلها
أمال لما تتجوز بقى هتعمل إيه ؟!!؟!؟!؟؟
جرب بس تاني و تبقى تقولي على النتيجة


سلام يا مان

FadFadA said...

انسانة شوية - شوية
عارفة المشكلة إيه ؟
إن الدائرة الفضية أخطأت طريقها أثناء الانتقال و استقرت في الرقبة
:)

السلام وصل

FadFadA said...

شهيدة
لو زادنا لانفجرنا
:)

أشكرك

FadFadA said...

www.alkadarwana.blogspot.com
قول يا رب تلاقي تدوينة بعد سنتين

FadFadA said...

انسااانة ... غريبة
لأ طبعا .. مفيش
و شكرا

FadFadA said...

قتطى
بعد سنة .... !؟
مش عارف هقدر أستحمل كل الفترة ديه و لا أكون انتحرت !؟؟
طبعا من كتر السعادة
:)

FadFadA said...

أبو رويدا
أولا وحشني جدا جدا
و دايما بطمن عليك من أخوك

ثانيا : ليه ماتقلش : احنا بنكذب و احنا عارفين انحنا بنكذب
و أحلى كذب لإنه بيحلينا إحنا
و سلامي ليك ... يا كداب
:)

محمد

Muhammad A. Ayoub said...

أكيد ياباشا هاعرفك بالخبر لما أقدم على مثل تلك الكارثة التي لابد منها
شكرا يا مان

FadFadA said...

ايوب
في انتظارك على أحر من الجمر
( هما بيقولوها كده )

محمد