Wednesday, June 17, 2009

قصص قصيرة حمقاء ( 1 )........ مشاعر كاذبة

1

مر أمامها فرآها
... توقف
... التفتت

التقت عينه بعينها
ابتسما
شعرا بأن القصة ستبدأ الآن
و عندها نادى المخرج بصوت عال
STOP
.....................................................................................................


2

أحبها من كل قلبه
أحبته من كل قلبها
ملحوظة : هو لم يرها و لا يعرفها
و هي كذلك
فهما لم يتقابلا من قبل
.....................................................................................................
3

في كراستها
رسمت قلبا بسهم
و في بدايته مكتوب أول حرف من اسمها
كانت في شوق لكتابة أول حرف من اسمه في الطرف الآخر
أطالت البحث عنه
و عندما وجدته
فتحت الكراس لتكتبه
وجدت القلب قد اختفى
و لم يبق إلا حرفها
.....................................................................................................
ملحوظة : تم كتابة هذه التخريفات منذ ما يقرب من عام و نصف و لم يتم نشرها إلا الآن

32 comments:

ابو رويدا said...

مشاعر و احاسيس كنا بنحلم بيها و احنا شباب صغيرين و لكن لم نلهث وراءها كنا عاقلين و كنا بنتريق و ننقد اللى بيعمل كده خاصة لو كان بيعمل كده و هو بيتسلى - لكن لما اتجوزنا برده ما عملناش كده لاننا ما لحقناش اتسلقنا بسرعة

esraa said...

:)

جمال أوييي

SHAHEENSHY...فوضى منظمة said...

في القصة الاخيرة

سيكون أكثر ألما ..اذا وجدت قلب .. ولم تجد حرفها .. لم تعد تعرف نفسها

قصص قصيرة جميلة

بالتوفييق

FadFadA said...

أبورويدا
و ليه منعشهاش بعد الجواز !!!؟؟؟
صدقني ساعتها هتكون صادقة
و لها طعم خاص
خاصة أن الله عز وجل هو من يباركها

محمد

FadFadA said...

esraa
أشكرك
:)

محمد

FadFadA said...

SHAHEENSHY...فوضى منظمة
في هذه الحالة ما زالت انسانة
أظن أنه أكثر ألما أن يعيش إنسان بلا مشاعر و يفقد الإحساس
عندها لا يكون انسان

بالتوفيق
محمد

ابو رويدا said...

احنا بعد الجواز بنعمل اكتر من كده و احاسيس تانية و مشاعر متاججة ، اما لعب العيال ده احنا كبرنا عليه
مش اتجوزت برده يعنى فاهم انا اقصد ايه .... و لاايه ؟!! وحشنى يا هندسة

FadFadA said...

أبورويدا
و الله أوقات لازم نعيش لعب العيال ده بعد الجواز
بيبقى لذيذ
و لا إيه ؟

هتيجي إمتى يا عم الحاج ؟؟

ابو رويدا said...

يا عم لعب العيال ده ساعات بيقلب بجد و بيجى على صحتنا فى الاخر

ان شاء الله جى 10/7/2009

Anonymous said...

الحمد لله فهمت القصص من اول مرة...الحكاية ان في واحد شاف واحدة وحبوا بعض من اول نظرة وبعدين في انسان رزل فرق بينهم...وبعدين الواحد ده قعد يدور على واحدة يحبها لحد ما لقوا بعض...بس هي بتحبوا وهو مش بيحبها...والكلام ده تجربة شخصية من سنة ونص لواحد معين مش هقول اسمه...بس مش عارف ايه اللي اجبروا على كده ...ايه رأيك ...بذمتك مش كلامي صح؟؟؟؟

Anonymous said...

طبعا انا ماكتبتش انا مين لانك اكيد عارفني انا اللي بحب اهدي النفوووووووووووس.......نيها نيها نيها"ضحكة شريرة"

فتوح أبو المفاتيح said...

جميلة
أفكار جديدة
حلوة بتاعة المخرج الاولانية
ممكن تكون اسقاط على حاجات كتير حوالينا

ممكن القصة الاولى متكونش حب بين اتنين
ممكن تكون مشاعر بين مدمن وسيجارة بانجو
خير خير خير
بس هي حاجات حلوة

قلمي said...

ربنا يسامحك ايه القصص الي تقطع في القلب ديت
هي ليست بحمقاء ولكن مؤلمة


وبالذات الاخيره
قراتها كذا مره ولسه مش عارفه راح
فين قلبها ايه الي قتله قبل ما يلا قي الي يملاه

ولا هو جهد البحث كان كفيل باستنزافه حتي اخر قطره فلم يبقي به دم او مشاعر

Anonymous said...

فضفضه
السلام عليكم
أنا مش داخل أعلق
داخل أوصل تحياتى
واحشنى كتير
ادعيلى
سلام عليكم
فوزى

FadFadA said...

أبورويدا
أظن يا حاج محمد ان اللعب ده بيجي بالإيجاب مش بالسلب
و لما أشوفك - ان شاء الله - نتكلم
هانت

محمد

FadFadA said...

اللي ماكتبش اسمه
و اللي أنا عارفه

بذمتي مش صح

والحمد لله النفوس هادية

موت بغيظك
نيهاهاها ( نفس الضحكة

محمد

FadFadA said...

فتوح أبو المفاتيح
أشكرك و اتفق معك

و لكن اشمعنى يعني سيجارة بانجو ؟؟

محمد

FadFadA said...

قلمي
ربما كان من الأفضل عدم البحث
لأنه سيأني بنفسه في الوقت المناسب

محمد

FadFadA said...

فوزي
طبعا انا زعلان انك جيت مصر و مشفتكش
على العموم براحتك

بجد واحشني جدا
طمني عليك

محمد

2ragooZ said...

السلام عليكم

هو جميله ورقيقه وكنت هاقول صادقه
بس انت كاتب كاذبه .. وحمقاء كمان
ليه ؟؟ .. ليه كاذبه وحمقاء ؟؟

FadFadA said...

2ragooZ
و عليكم السلام و رحمة الله

كاذبة لأنها كذلك
و حمقاء لأنها ليست غير ذلك

محمد

اصرار أمل said...

قصتك الأخيرة ذكرتني بها ؛
كانت تكتب اسمه كثيرا في دفترها ! ( كاملا ) !!!
لم تلتق به أبدا ؛
ولم يأت ...
وأتى بدلا عنه رجلا آخر !
لاأدري هل فكرت به حين كانت تأخذ قرارها بالارتباط أم لا ؟ لم أجرؤ على سؤالها ... لكن لازالت لدي دفاتر قديمة أجد فيها اسمه بخطها ! وأتعجب أكثر من الأقدار ..
ننتظر المزيد...

FadFadA said...

اصرار أمل
إن كانت تنتظر الأول فلماذا ارتبطت بالثاني ؟
و إن كانت وافقت على الثاني فلماذا الاحتفاظ بالدفتر ؟؟
؟ ......

محمد

لاسع افندى said...

بسيطه ...وجميله جدا والنهايه منطقيه

تحياتى

FadFadA said...

لاسع أفندي
أشكرك يا سيدي

انسااااااااانة....غريبة said...

احم

سؤال بس على ما اسهم كده

هو القلب اختفى ليه هى بقيت وحشة يعنى ولا من كتر مبحثت عنه ولا هو جه متاخر ؟؟؟؟؟؟؟

تخريفات حلوة والله وفى السريع كده

shimo said...

فينك يا باشمهندز روحت فين هو الجواز بيعمل كدة يعني ما فيش اي مساحة صغنونة فاضية نشوف فيها ابداعاتك
يعني مش كدة و حن علينا و لو بنص بوست ,اتمني ان تزور مدونتي و يهمني اعرف رايك فيها
Shimo

FadFadA said...
This comment has been removed by the author.
FadFadA said...

انسااااااااانة....غريبة

بسم الله الرحمن الرحيم
ان شاء الله .. الاجابة ... رقم 4
:)

FadFadA said...

shimo
باشكرك على اهتمامك

و بالنسبة للدعوة أكيد مدونتك لها زيارة خاصة جدا, و يكون شرف ليا

جلال said...

واضح إن عندك قدرة غريبة على احتقار الذات لإن القصص جميلة جدا و مكثفة و مفيهاش و لا حرف زايد و لا ناقص و إحساسها جميل جدا..يبقى ازاي حمقاء.عيب عليك يا عمنا.

FadFadA said...

جلال
أشكرك على مجاملتك