Saturday, May 19, 2007

سيرة ذاتية


حوله بعض الاختلافات


وُلد ... 0

عاش ...0

مات.0

البعض يظن أنه

وُلد ...0

فعاش ...0

ثم مات .0

و قد يرى البعض أنه

وُلد ... 0

عاش و مات .0

المهم ...0

الكل اتفق على أن هذه هي

كل الإنجازات !0

43 comments:

أحمد حربية said...

الله...حلوة قوي يا محمد ، وعلي فكرة اللي انت كاتبة ده هوه من أكبر مخاوفي في الحياة ..أن يتم الإتفاق على أن كل الإنجازات أنه ولد فعاش ثم مات
أدعو الله لي ولك أن يتذكرنا الناس بالخير وأن نكون أهل ذلك عنده

حربية

Rehab Saber said...

مش فاهمة

Anonymous said...

أنا أظن أنه
ولد ... فعاش ... ثم مات ..... فكانت له انجازات


شاهين

FadFadA said...

أحمد
حبيبي الذي تشرفني زيارته و أتمنى مقابلته
يقولون المسلم أينما حل ترك أثرا , هذا على مستوى المكان , فكيف سيكون على مستوى الزمان . ماذا سنترك من أثر ؟؟؟
على فكرة , ده برده من أكبر مخاوفي
تقبل الله دعاءك
محمد

FadFadA said...

arabian girl
بداية أرحب بك على المدونة
ثانيا : هل الموضوع كله مش مفهوم أم جزء منه ؟
على العموم , كل ما في الموضوع انه وُلد و بعد كده عاش و مات
أظن كده الموضوع بقى واضح و مش محتاج شرح أكتر من كده
:)
أشكرك على زيارتك

FadFadA said...

شاهين
أظن مش محتاج أقولك أد إيه بكون فرحان بزيارتك , صح ؟
بالنسبة للتعليق , هل مجرد أنه ( فعاش ثم مات ) أصبحت له انجازات !؟
لو كانت له انجازات أظن أنه : وُلد ... عاش ... فصنع حياة
سلام حبيبي
محمد

Anonymous said...

انا هاقول اللي فهمته بس مش عارف صح ولا غلط

الموضوع عبارة عن 3تصنيفات لحياة الناس

باختصار ...ـ

الأول:تحس إن حياته مرتبة
عارف أهدافه واللي عايز يحققه كويس
عارف هوة رايح فين وجاي منين

الثاني:عااااااايش
اهي حياة وخلاص
إتولد-دخل المدرسة-وبعدين الكلية-اشتغل-اتجوز-خلف-مات
تحسه انسان مهمش عايش وخلاص
مالوش لازمة في الحياة

الثالث:عايش ميت
عايش حياة الأموات
تشوفه تحسه ميت مافيهوش حياة
يبقى لسة شاب وتحس عليه هموم الشيوخ

المهم هذه التصنيفات باختصار شديد وأكيد الموضوع على أد ماهوة كليمات قليلة إلا إنه من الواضح إن وراه معاني كتييييييييرة

BELBESY said...

يا ربىىىى
عارف الموضوع دا يا فضفضه
بس تصدق الاول فضفضه لايقه موت
فى علماء كتير دخلوا ف الموضوع دا وعلى حسب ما قريت عنهم كانت اخرتهم الجنان
مش تفكر فى الحكمه من خلق الناس ومن حياتهم ومن تنظيم الكون وكدا
لان اخرتهم الجنان
وانما يخشى الله من عباده العلماء
متفق معايا ؟

رايى الشخصى بقا
وُلد
متفق معاك
بس خليها بقا فعاااش
لان انت مولود غصب عنك مش بمزاجك
انما العيشه دى بمزاجك انت
وطالما اتحطيت فى مكان لازم تثبت نفسك يا اما مش تستحق العيشه
عاوز تكون كون محدش ماسكك اعمل اللى انت عاوزه الحياه ادامك اهه
روح امسك اللى انت عاوزه اعمل اللى انت شايفه انجز اللى فى دماغك

والموت بقا نقول ثم مات
لان برضه الموت مش بايدى ولا بايدك
وممكن تقول فمات لو انتحرت ولا حاجه

Anonymous said...

حلوه اوى
بس لازم كل واحد فينا بعد ما تولد وفهم واستوعب ان يكون له دور فى الحياه يعنى مش يتولد ثم يعيش ثم يموت كده وخلاص .
نحن خير امه اخرجت للناس
لذلك يجب علينا ان نكون هكذا فعلا
وعموما افكارك بتعجبنى اوى يا اخى ودايما اتفاجأ بها لانها افكار تأمليه
اتمنى لك كل التوفيق والنجاح
اختك

FadFadA said...

رمزي
مش شرط كل حاجة ممكن تتشرح , فيه حاجات خليها كده تتفهم زي ما تتفهم
على فكرة , انا متفق معاك تماما في كل اللي انت قلته , و في نفس الوقت ممكن لو نظرتلها من زاوية تانية ممكن تشوف معاني تانية
بس بجد الشرح بتاعك راااااااائع , زي عادتك دائما في كل تعليقاتك
ربنا يوفقك يا أبا الأخاليف
محمد

FadFadA said...

بلبيسي
أهلا بك بعد طول غياب
بالنسبة للجزء الأول من تعليقك , عايزك تطمن , الموضوع أبسط من كده بكتير , يعني مش هاتجنن , فأنا قد جننت بالفعل . و المجنون لا يجن مرتين
:)
لأ بجد , الموضوع أبسط من كده
بالنسبة لرأيك , متفق معك تماما
مش مهم فعاش و لا ثم عاش و لا و عاش و لا عاش , المهم هو عمل إيه لما عاش ؟
و بالنسبة للموت , لو عمل حاجة لها قيمة عند الله فهو لن يموت بل سيظل حيا
صح ؟
محمد

FadFadA said...

انتباه يا عم انت و هو , أختي الكبيرة معلقة
أسأل الله أن ييسر لنا عملا يقبله منا و يرضى عنا به و يدخلنا به الفردوس الأعلى من الجنة بين رفقاء النبي صلى الله عليه و سلم
بالنسبة للأفكار التأملية , بلاش الكلام ده أدام الناس لحسن حد يفهم غلط
سلام حبيبتي
محمد

واحد من الإخوان said...

حاجة محزنة اوي لو الواحد لم يترك في حياته التي عاشها سوى وريقات تحدد يوم الميلاد وإثبات الشخصية و أخيرا الوفاة
دون أعمال مميزة
إنه يأخذ من الدنيا ولا يعطي
غنه أخذ مما اضافة المبدعون
ولم يضف شيئا
العجيب اننا نذكر من أصحاب الإنجازات ما نذكر ثم نرحل دون ان نترك إنجازا يذكرنا الأخرون به

نرى اثار من قبلنا
ولا نسعى لكي نترك اثرا لنا يراه من بعدنا
---------
أخذنا ولم نعط
ذكرنا ولم نذكر
رأينا اثرا ولم نترك
حقا
ولد فعاش فمات

محمد حمزة

Anonymous said...

بشمهندس محمد
اولا احبك فى الله بجد
ثانيا المدونة جميلة جدا فعلا
ثالثا بقى التعليق بتاعى
بص يا سيدى
انا رأيي ان و احد زى الأخ اللى حضرتك بتتكلم عليه محدش هيتكلم عليه لأن مفيش حاجة ممكن تتقال عليه و باختصار لن يتفق أحد على انجازاته لأن محدش يعرف هو مات أصلا و لا لأ
و ده بيفكرنى بقول الشاعر
فكم مات قوم و ما ماتت فضائلهم ...وكم عاش قوم و هم فى الناس أموات
و أعتقد ان ده حال صاحبنا اللى معانا
حتاما باحبك فى الله كمان مرة
آآآآه صحيح اخواتى بيسلموا عليك كنت هاضرب عشانك أهو... أى براحة يا جماعة ما انا قلتله أهو فى ايه هو افترا و خلاص

FadFadA said...

محمد حمزة
ديه مش هتبقى حاجة محزنة , ديه هتبقى حاجة قاتلة , لإن ساعتها نبقى موتنا نهائيا
و على فكرة , مش شرط يكون العمل المميز ظاهر للناس , ممكن يكون عمل مميز ما يعرفوش غير ربنا , نقف به بين يدبه
المهم ان يكون فيه عمل
أسأل الله أن يرزقنا إياه
أشكرك أخي الحبيب على الزيارة
محمد

FadFadA said...

حماده
أولا أحبك الله الذي أحببتني فيه
ثانيا أشكرك على المجاملة الجميلة ديه
ثالثا متفق مع رأيك كل الاتفاق
رابعا احبك في الله
خامسا بالنسبة لاخواتك أحب أقول ان ربنا على القوي
و عايز أسأل سؤال : هي الناس ديه ما بتعرفش تتكلم غير بإيديها و لا إيه ؟
على العموم سلملي عليهم كتييييييير
سلام حبيبي
محمد

آية said...

بجد على قد ما هي قصيرة و مختصرة على قد ما هي فعلا معبرة جدا و للأسف صادقة جدا جدا ..
بس صاحبك ده كان محظوظ .. ليه ..
لان دارا حوله الاختلافات ..
للاسف نولد و نعيش و نموت دون انجازات .. و لا نترك حتى من يختلف علينا في هذا اللا انجاز الذي نتركه ورائنا ..
هذا البوست أثر في بجد ..
جزاك الله خيرا

عصفور المدينة said...

إنا نحن نحيي الموتى
ونكتب ما قدموا وآثارهم
وكل شيء أحصيناه في إمام مبين

FadFadA said...

صوت عصفورة
هو مش محظوظ قوي , لان الاختلافات , أظنها دارت بين من يعرفه فقط , و دارت لفترة قليلة جدا , دقائق أو على الأكثر ساعات بعد موته . و بالتأكيد سيُنسى سريعا
أما من ترك أثرا و صنع شيئا - لله - عز و جل - فهذا الذي لن ينسى و سيظل الناس كلهم - يعرفونه أو لا يعرفونه - يتذكرونه بالخير
أشكرك على الزيارة و على كلامك

FadFadA said...

عصفور المدينة
يقول الله عز وجل
مال هذا الكتاب لا يغادر صغيرة و لا كبيرة إلا أحصاها
قال بعض المفسرون : أن الصغيرة هي الابتسامة , و الكبيرة هي الضحكة

نورت المدونة بزيارتك
محمد

مشروع انسان said...

جميل موضوع صغير جدا لكن معبر فعلا الواحد يخاف انه يكون كده يولد فيعيش ويموت وتكون هذه فقط معجزاته فى الحياة لايضيف للحياة شئيا ولا يغير فيها بل قد يتغير هو فعلا ان لم تزد شيئا فى الحياة فانت زائدا عليها

دعاء عادل said...

عارف الكارثه الاكبر ان ما حدش يفتكر انه اتولد ولا عاش ولا كان له وجود اصلا
على فكرة دى من اكبر مخاوفى برضه
احنا هنا ليه؟
وايه الهدف من وجودنا و ايه الاضافه اللى كل حد جاى يضفها للارض
مش معقوله يكون فيه حد مخلوق عبث كده عشان يعيش ويموت وخلاص اكيد ربنا مش ها يخلق حاجه او حد ملهوش لزمه

FadFadA said...

امام الجيل
الناس في الدنيا حاجة من اتنين
إما شايل و إما متشال
إما ممثل له دور أساسي و إما مشاهد يتفرج و يمشي
نسأل الله أن يستخدمنا لدينه
محمد

FadFadA said...

دعاء
متهيألي فيه كارثة أكبر من كده كمان ,ان الواحد يفتكر انه بيعمل حاجة و له دور و هو في الحقيقة بيبني بيت من الرمال على الشط , مثل حمار الرحى ( عذرا على التشبيه ) يرتحل و يرتحل و الموضع هو الموضع
و بالنسبة لموضوع الهدف , أنا متفق معك تماما , لازم كل واحد يبقى عارف هو ممكن يضيف إيه للحياة , أكيد كل واحد مننا له دور

عمرو طموح said...

هل عاش أم كانت له حياة؟

الحياة تستمر بتأثيراتها بعد موت صاحبها...

من يحيا، فهو له رسالة يحيا بها، و بغيرها يموت، و إن كان مكتوب في من يعيشون...

فرق كبير ... بين ان تحيا.. و أن تعيش...

فمن البشر من يحيا ، و منهم من يعيش...

و الفرق بينهم كبير... حتي بعد مفارقتهم للدنيا... فالحي يحيا ذكره، و تحيا فكرته، أما من عاش... فينقطع ذكره، و ينقطع كل ما كان يمثله أثناء بقائه في الدنيا...

بوست رائع فعلا...

تحياتي

Anonymous said...

المصيبة أنه قد يكون كل واحد منا هذا الشخص دون أن يدري
"الذين ضل سعيهم في الحياة الدنيا وهم يحسبون أنهم يحسنون صنعا"

FadFadA said...

عمرو طموح
يا أخي أشكرك جدا على كلامك الأكثر من رائع
بالفعل فرق كبير بين من عاش و من كانت له حياة , أو استطاع أن يصنع حياة
فرق كبير بين من كان يعيش في الدنيا دون هدف أو غاية أو رسالة , و بين من كان له (طموح ) في الدنيا و الآخرة
أشكرك أخي الحبيب على الزيارة الجميلة
محمد

FadFadA said...

الذي لم يذكر اسمه
كنت سمعت الشيخ محمد حسين يعقوب بيقول على الآية اللي حضرتك ذكرتها انها من أخوف آيات القرآن
نسأل الله الستر
هو صحيح , حضرتك مين ؟
:)
محمد

Aml Ghonaim said...

تلك الكلمات القليلة دائما تبعث فى العقل معان متدفقة ....
أحيانا كثيرة تكون مختلفة ...
لا أدرى لكنى فهمت من تلك الكلمات القليلة التى سطرتها :
أنه لم يفرق معه كثيرااا كونه ولد وعاش أو فعاش أو ثم عاش ؛؛؛
مادام ان انجازاته لم تتخطى تلك المراحل التى وهبها الله اياها !!!!
فلم يضف شيئا عليها ؛
كلماتك القليلة تلك أعطتنى تفكيرا أرحب فيما يمكن أن تصبح عليه حياتنا لو وضعنا بين هذه النقاط كلمات يمكنها أن تغير حياتنا ....
بارك الله لك فى قلمك
ولا حرمك الأجر...

dead man said...

قدي يكون ولد ثم عاش ثم مات.. او ولد وعاش ومات

او ولد عاش ميتا ثم مات

ولد ميتا فمات

Ebtsam said...

كثيرا ما يمر بنا العمر فلا نشعر به .. ونستيقظ فجأة لنرى كل ما حولنا لا معنى له ولا اساس لوجوده .. ونحارب ونصارع ونحب ونكره .. ونولد لنموت .. لا معنى لوجودنا

عمر عاشق القرآن said...

بصراحة انا مش بعرف أقول اكتر من اسلوبك اكتر من رائع .. البوست اللى فات بتاع المشى والزحف الاول فكرت فى حاجات كتيييير .. قعدت اقول يقصد ايه؟؟ يقصد مين؟؟؟ فى الاخر طلعت تقصد حمادة الصغنون .. بس فيه كتير اوى زى حمادة فى مجتمعاتنا .. بس لسه معرفوش "سر المشى" او مش عايزين يمشوا عايزين يزحفوا او يناموا

البوست ده بقى .. برضه فيه كتيير تقريبا 50 مليون من 75 مليون مصرى مش هتزيد انجازاتهم عن كده + انه خلف كام عيل كده ... بس

N.B
لو فى رد اتمنى يكون على مدونتى علشان اقراه

FadFadA said...

اصرار أمل
المشكلة : ما هي هذه الكلمات التي من الممكن أن نضعها بين النقاط ؟
كتير مننا مش عارفها , و حتى لو عرفها هو لا يعلم كيف يكتبها
لمعرفة الكلمات نحتاج الى معرفة كاملة لأنفسنا و ذواتنا
أشكرك على تشريفي بهذه الزيارة

FadFadA said...

dead man
أظن أنه لو ولد ميتا فمات فقد أراح و استراح
محمد

FadFadA said...

ابتسام
هل بالفعل كل ما حولنا ليس له معنى ؟ أم نحن من لم يفهم المعنى ؟
وجودنا ملموس أما معناه فيجب أن نحدده
محمد

FadFadA said...

مشروع بطل
أشكرك أخي الحبيب على كلامك
على فكرة هما تقريبا 51 مليون , على العموم مش هنختلف في مليون
و بجد نورتني بزيارتك
محمد

مشروع انسان said...

يا استاذ ليك تاااااااج عندى عايزين نعرف عنك اللى احلى بقى بس بلاش جنان الله يكرمك

FadFadA said...

أشكرك على تاجك
هاستأذن حضرتك ان الرد هيتأخر شوية طالما حضرتك مش عايز جنان , لازم نستنى لما الحالة تروح
بالمناسبة : مين هما اللي عايزين يتعرفوا عليا ؟
محمد

Alaa said...

مدونتك جميلة ربنا يباركلكك
لقد انضم لمدونتك زائر دائم آخر :)

مشروع انسان said...

اييه ده انت زعلت ولا ايه بجد كده هتزعلنى طب انا اسف معلش عديها المرة دى

FadFadA said...

علاء
أشكرك أخي الحبيب
و بالطبع أتشرف بانضمام الزائر الدائم
بالمناسبة : مين هو الزائر ده ؟
:)
بجد شرفتني زيارتك
محمد

FadFadA said...

امام الجيل
حبيبي زعلت من إيه بس !؟
و الله ما زعلت , بالعكس أنا سعيد جدا باهتمامك
و انا كان ردي الغرض منه هزار , بس من الواضح انك فهمته غلط , فأنا اللي يجب أن أعتذر
كل الحكاية ان التاج محتاج دماغ مركزة و انا فعلا مشغول جدا اليومين دول
وعد مني أول ما تيجي فرصة أول حاجة أعملها هي الرد على التاج
ماشي ؟ أرجو انك انت ما تكونش زعلان
و أشكرك مرة تانية على اهتمامك
محمد

ahmed said...

هو ممكن يكون عاش فعاش فعجبته العيشه فمات هههههههههههههههههههههههههه