Sunday, July 22, 2007

صفحة من مذكراتي بعنوان...حوار مع النفس


كنت أسير معي أتناقش في موضوع هام و أحاول أن أقنعني بوجهة نظري , و لكني رفضت أن أقتنع . حاولت مراراً و لكني وجدت عقلي مغلقاً تماماً لا يريد حتى أن يستمع . فتعصبت و رفعت صوتي عليّ , و لك أن تتخيل ما فعلته - فأنت تعلمني – لا أحب أبدا و لا أرضى أن يرفع أحد صوته عليّ , فما بالك إذا كان من يرفع صوته عليّ هو أنا . و بالفعل لم أسكت لي فرددت عليّ , و مسكت في خناقي , و تشاجرت معي .

التف الناس من حولي , حاولوا تهدئتي و لكني رفضت , فحاولوا معي و لكني كذلك مثلي رفضت . و استمر الشجار بيني و بيني حتى جاءني شيخ كبير حكيم أجلسني و سألني عما حدث , فأخبرته بالأمر , فتعجب و قال

و لماذا تتحدث إليك ؟

يا سيدي لم أجد أحداً يتحملني , يستمع إلي , ينصت لي , يواسيني , و الأهم من ذلك يفهمني , إلا أنا , فقررت ألا أتكلم إلا معي , فأنا من يفهمني , و حتى إن لم أقتنع بوجهة نظري و حدث خلاف بيني و بيني مثلما حدث منذ قليل و تحول الحال إلى ما رأيت فلن أستطيع أبداً أن أخاصمني أو أتركني أو أهجرني , بل سأظل معي دائماً لن أفارقني

هل تريد أن تقنعني أنه لا يوجد أحد من البشر يفهمك و يستمع إليك إلا أنت ؟

من قال ذلك !؟ أنا لم أقل ذلك أبداً , بل هناك – بالطبع – من يستمع و هناك من يفهم , و لكنهم – يا سيدي – قليل

فلماذا لا تتحدث معهم ؟

لأني أعلم كم هم فئة نادرة في هذا الزمان , و بالتالي الطلب عليهم كثير , فهناك كثير من الناس يريد أن يتكلم و القليل من يستطيع أن يسمع , و الكثير يشكو و القليل يواسي , فهؤلاء فيهم ما يكفيهم , فلماذا أحملهم همي و أشكو إليهم غمي , و لماذا أحاول أن أقنعهم بوجهة نظري ؟ سأكتفي بي يا سيدي , و لهذا قررت ألا أتحدث إلا معي

لماذا لا تجرب ؟

أجرب ماذا ؟

أن تتحدث مع أمثال هؤلاء ؟

أخبرتك أنهم لا يملكون الوقت , و لا أريد أن أثقل عليهم , بجانب أن هناك من يستطيع أن يستوعبني

من ؟

و هل هذا سؤال , بالطبع أنا , لم أذهب إليّ يوماً إلا و وجدتني في متناولي

فسكت الرجل بعد أن وجد أن حجتي قوية و لم يستطع ردها و تركني و انصرف بعد أن أوصاني أنه إذا قابلتني أن أسلم له عليّ

و بعد انصرافه صالحتني و تأسفت لي عما فعلت , فسامحتني و قبلتني و أخذتني بالحضن , ثم سرت معي يدي في يدي , سعيد بي , هادئ الأعصاب مرتاح البال


التاريخ : فبراير 2007

الكاتب : أنا

المكان : مستشفى الأمراض العقلية

43 comments:

عصفور المدينة said...

يا بختك تصالحت مع نفسك
نفسنا كلنا نتصالح مع أنفسنا على خطة خير

Ahmed Ismail said...

السلام عليكم و رحمة الله و بركاته
شئ رائع ان الواحد يجلس مع نفسه و يكلمها و تكلمه
مشكلة الانسان في هذا الزامن انه لا يعاد هناك وقت للتامل و مراجعة الماضي و التكلم مع النفس...
لعل اصفي لحظات الصفاء و الخلوة مع النفس تكون اثناء الاستجمام بدش ساخن .. و في اللحظات القليلة هذه تبدا تثور الافكار و الطموحات و هذا ما نحتاجه كي نتم رسائلنا على اكمل وجه.
اما عن موضوع المصالحة مع النفس فهي اجمل شئ كي يستمتع المرء بالحياة و بقية ما يقوم به
و الختام مازلت هذه فضفضة من مجنـون

أحمد - تعالوا نحلم said...

سلام عليكم
هندسة
اخيرا كتبت غبت علينا كتير
اوقات كتير الواحد بيبقى نفسه يتكلم و يفضفض و يطلع اللى جواه بس مش بيلاقى حد يفضفضله الا نفسه و يقعد يحكى ويتذكر ما حدث و ايه كان صح و ايه كان غلط
بس المهم انه يحسن من نفسه و ما يتخانقش مع نفسه لحسن يموت نفسه و لا حاجة....
و جميل اوى ان الواحد يتصالح مع نفسه و يبقى راضى عن اللى هو بيعمله

dead man said...

ان تعرض نفسك عليك ثم تعرض، وتعرضها ثم تعرض.. حتى يأتي الوقت الذي تسلم فيه... وفي الوقت الذي تقترب فيه من الايمان بك.. تكفر

أدهم said...

ايه ده انت شفتني كده امتي و ازاي مقلتليش طب قعد وانا هاسمعلك , علي اي حال أدعيلي ان أتصالح علي نفسي.

FadFadA said...

عصفور المدينة
بداية أرحب بك , و أشكرك على زيارتك

المهم أن تكون هذه المصالحة مصالحة دائمة , و لا تكون مجرد هدنة مؤقتة

محمد

FadFadA said...

أحمد اسماعيل
بفرح قوي لما بلاقي تعليق ليك
بالنسبة لكلام الانسان مع نفسه فعلا جميل جدا , بس المهم انه مايطولش لحسن تقلب معاه لحاجات تانية
بالفعل نحتاج أن نتوقف كل فترة مع أنفسنا للمحاسبة و التقييم و التقويم
ممكن يكون الدش الساخن هو أفضل أوقات التفكير ( الرايق ) بالنسبة لك , ممكن واحد تاني أحسن وقت ليه و هو في المواصلات
أنا أعرف واحد حبيبي لما يحب يقعد مع نفسه بياخد الأتوبيس المكيف و يركب فيه لآخر الخط و يرجع به تاني
و الختام ما زالت هذه تعليقات أحمد اسماعيل

محمد

FadFadA said...
This comment has been removed by the author.
FadFadA said...
This comment has been removed by the author.
FadFadA said...

dead man
زيارة بجد بتشرفني جدا جدا
عند معرفة النفس جيدا , بامكانياتها الحقيقية و غايتها و غرض وجودها
عندها يحدث الايمان الحقيقي

محمد

FadFadA said...

أدهم
وحشتني جدا
تبقى تعدي عليا و انا أكلمك
يا رب نتصالح كلنا مع نفسنا

محمد

ياسر سليم said...

على فكرة

الكلام اللى انته كاتبة ده ممكن ناس تفتكرة قمة الجنون أو ده اى هبل فى الجبل

بس انا شايفه قمة العقلانية

ان الواحد يخاطب نفسة

ويعاتب نفسة

ويقسو على نفسة

تحياتى ليك
وسلملى على نفسك :)

أحمد حربية وسيد تركي said...

بعد كل هذا التأخير في الكتابة تعود لكي تقول هذا الكلام؟
من المنتظر أن أهنيك علي حالة التصالح مع ذاتك وهو امر يستحق التهنئة فعلا لكن الأسباب التي سقتها كمبرر لهذا التصالح أزعجتني بحق.
لا يا صديقي هناك دائما من ينتظرك كي تفتح له قلبك و (تفضفض) معه..اما التحجج بإزعاج الأصدقاء فهو نفي لوجوده من الأساس ...ما تزعلش مني، انا بفضفض معاك
أحمد

david santos said...

My friend, I make votes so that you have a good weekend

FadFadA said...

ياسر
متفق معك تماما
بس لو ركزت قوي هتلاقي فيه جزء مجنون
ركز شوية بس

بالنسبة للسلام اعتبره وصل

محمد

FadFadA said...

أحمد تعالوا نحلم
أعتذر عن الخطأ غير المقصود اللي حصل
و أعتذر عن التأخير بس أنا كنت متابع كل تدويناتك
عارف يا أحمد , الواحد ممكن يقعد مع نفسه و يكلمها و نفسه تزعل منه قوي بسبب اللي عمله و اللي بيعمله
ساعتها بيبقى الواحد مش طايق نفسه و فعلا - زي ما قلت - بيكون عاوز يموتها
بس في الآخر هي نفسك
و لو عاوز تتكلم مع حد انا في انتظارك دائما و انت عارف اننا بكون مبسوط جدا لما بتتكلم معايا
بالنسبة للمصالحة , المهم تكون على طول مش فترة قصيرة
و بالنسبة للرضا ديه نعمة من ربنا بيمن بها على من يشاء
يا رب نكون منهم
محمد

FadFadA said...

أحمد حربية
شوف انا هاكلمك بصراحة شديدة
الكلام اللي انت قرأته مش احساسي أنا و لكن مشاعر حسيت بها مع ناس كانت بتتكلم معايا
و حبيت ان انقل هذا الاحساس
و صدقني كان نفسي حد يعلق التعليق اللي انت قلته
و أكيد التصالح لن يستمر , فمن يستطيع أن يتصالح مع نفسه سيستطيع أن يتصالح مع الكون من حوله
و صدقني اكتر كل ما أقرأ تعليق أو تدوينة لك يزداد اعجابي بك و رغبتي في التعرف عليك
بتنورني بزيارتك يا صديقي

محمد

FadFadA said...

david
thank you , sir , for your visit

Farag said...

حبيبى ابو حميد المجنون ، دوست على الجرح ضاعت معانى الاخوة واصبح الاخ لايجد اخيه الذى هو نفسه يحدثه ، وتذكرت كلمه ابوبكر الصديق مع رسول الله صلى الله عليه وسلم يناوله كوب الماء فيقول شرب حتى ارتويت، وتذكرت عمر بن الخطاب يسأل عن معاذ بن جبل فيقول والله لقد اشتقت اليك بالامس فيتعانقا ويتباكا، اسأل الله ان يكون كل منا نفس لاخيه يتصفاحا ويتصالحا يد بيد .. اللهم امين

FadFadA said...

م.فرج
بجد شرف كبيييييير جدا زيارتك ليا
و ربنا ما يحرمني منك
و الله يا هندسة الصورة مش وحشة قوي زي ما انا كاتبها , أنا مبالغ شوية و ناقل أحاسيس ناس اتكلمت معاهم
و كنت عاوز أعرف الردود
طبعا هذا لا ينفي أنه بالفعل هناك تقصير في الأخوة بيننا و هذا التقصير لأسباب كثيرة لا يمكن ذكرها في تعليق أو حتى تدوينة واحدة
بس في النهاية أكيد كل واحد مننا بيلاقي حد يكلمه و يفضفضله , و إلا ستكون كارثة
و ربنا يستر
ما تحرمنيش من زيارتك يا عمنا
بحبك في الله
محمد

اصرار أمل said...

أمر على هنا دائما لأنى أثق أنى سأجد مجالا أرحب لعقلى يجول فيه ...
الفكرة هذه المرة رائعة بحق ؛
لكن؛ من أخبرك أن من تريد الحديث معهم لايجدون وقتا لذلك ...
كما تسعد بحديثهم ؛ من المؤكد أنهم يحنون للقاءك ... فهذه سنة متبعة ؛؛
ثم ؛وهذه نقطة هامة ؛
ألا تجد غضاضة فى أن يكون كل حديثك من نفسك والى نفسك ؟!
فاذا لم تستمع الا الى نفسك ؛ كيف سترى الآخرون وكيف سيروك ؟!!!
لا أحاول اثناءك عما كتبت ؛ بل على العكس أحيانا لانجد الا أنفسنا لنخاطبها وتستشعر ما نستشعره ؛؛؛
ولكن ....
لمن يحبونا حق كبير علينا ....
هذه التدوينة لا تكتب فى مستشفى للمجانين ؛ بل هى قمة العقل والحكمة _ الزائدة عن اللازم _
دمت متألقا .....

dead man said...

انت فين يا عمنا

طمنا عليك

FAWZY (7ABYABAK) said...

إمممممممم كلام فعلا يستحق التركيز
بس انا ليا طلبين
الأول:لما تيجي تانى مره تتخانق مع نفسك بلاش تنشرها عشان دى حاجة مش كويسة ان أهل البيت الواحد يتخانقوا مع بعض و طبعا صوتكوا كان عالى جدا و بقية الجسم كله كان بيتفرج(حاجة ملفتة)
الطلب التانى:لما تيجي مخنوق و عايز تتخانق مع حد فده شرف أى حد يتمناه(مش الخناق أنا قصدي أن هو بقعد مع حضرنك يعنى)
بس بلاش عبدالرحمن
و معلش عندى تعليق كمان
و الله أعلم كلنا جوانا الصراع ده بس محدش بيتصالح مع نفسه انما يا إما يغلب نفسه و يجرها يا إما يستسلم و يضرها
و ملحوظه هامه جدا جدا
بلاش كلمة متصالح مع نفسه دى أجسن دي بتاع العالم الحشاشة
و باحبك فى الله يا هندسه

TASSO said...

ايه ياعم اللخبطة دي ....هو مين فيكم اللي كتب المدونة دي ........انت ولا انت برضه....هوفيه ايه ....هو انا مين .زانا ايه اللي جابني هنا.....اه افتكرت .......محمد عبدالله ياحبي ياحتة من قلبي...انت فين ياعم ......هو انت اللي مختفي ومعتزلنا........ولا يمكن اكون انا اللي في الطراوة......مش عارف.....بس حسيتك مش في حالتك في البوست ده ...."فاقولتلي" ما نكلم هندسة نسلم عليه فمرتديتش "علينا".......زالمهم واحشني ونفسي اشوفك ....ولو حد مزعلك قوللي انزلك بحملة من الضيائين....هما صحيح العيال اتجوزوا بس مش مشكلة هنتصرف برضه......صحيح ولادك كلهم دخلوا دنيا وانت لسه .ده بقى اللي زهد ولا ايه....انا شايف ان الجواز هو احسن حل ليك علشان "تفضفض جامد"......كفاية كده ....سلام

اسلام رفاعى said...

عذرا للتحليق خارج السرب
من اجل رفع الظلم عن المظلومين
ادعوك للمشاركة فى حملة رفع الظلم عن طلاب الاسكندرية المختطفين
التفاصيل بمدونتى

FadFadA said...

اصرار أمل

أعتذر عن تأخر الرد

بداية : مجرد زيارتك شرف كبييييير جدا للمدونة
و أشكرك على كلامك جداااا

ندخل في الرد

أحب أن أوضح - بداية - أنني لا أتفق مع كل ما كتب في التدوينة , فكما ذكرت في أحد الردود أنه وصف لإحساس آخرين أنقله بأسلوبي قد اتفق مع جزء و أختلف مع جزء آخر

ربما نتخيل أوقات أننا حمل زائد على غيرنا - و هذا تخيل خاطيء و لكنه يحدث - أظنه احساس بشري عادي
و لهذا يحاول البعض ألا يثقل على الآخرين بمشاكله و همومه

لم أقل أنني لا أستمع إلى غيري ( لو أعتبرنا أنني من أتحدث في التدوينة ) و لكن قلت أنني لا أتحدث إلا إلى غيري
و بالتالي فأنا أستمع إلى ألاخرين

اتفق معك أن هذه التدوينة لا تكتب في مستشفى المجانين
و لكن أظن من يعش هكذا دائما لا بد أن مآله سيكون هناك لا محالة

أشكرك على زيارتك التي أتشرف بها دائما

FadFadA said...

dead man
يا خبر أبييييض
بتطمن علي بنفسك !؟
و الله شرف كبير جدا لا أستحقه
أنا الحمد لله تمام
بس جاللي شوية ملل تدويني بحاول أتعالج منه
:)
ادعيللي

بتنورني دايما و الله بزيارتك يا عمي

FadFadA said...

حماده
بالنسبة للنقطة الأولى عاوز أطمنك إن ما حدش حس بأي حاجة فالموضوع كان بيني و بيني
يعني أنا ما أتدخلتش في الموضوع ,و بالتالي لم يشعر بقي الجسم بالمشكلة
بالنسبة للنقطة التانية : أشكرك على المجاملة الجميلة ديه , و الله أنا بكون مبسوط جدا لما بقعد معاك
و بالنسبة لعبدالرحمن : القوي فيه أقوى منه
بالنسبة للتعليق : أظن يا حماد لو حدث و تغلبت على النفس عندها ستحدث المصالحة و المصاحبة
بالنسبة للملحوظة : انت عارف أنا ماليش في الموضوع ده
بس انت عرفت منين انها بتاعت العالم ديه ؟؟؟؟؟
انت بتروح فين بعد الشغل ؟؟؟؟؟؟
بالنسة لبحبك في الله : أحبك الذي أحببتني فيه

أخيرا : ربنا ما يحرمني منك يا حبيبي
و أعتذر عن تقصيري معك و عدم استطاعتي أن أقابلك يوم طلبتني

محمد

FadFadA said...

tasso
ياااااه , واحشني جدا جدا جدا جدا
لخبطة إيه بس الموضوع بسيط جدا , و هاجوبك على سؤال سؤال بالترتيب
اللي كتب المدونة مش أنا و لا أنا لكن أنا
مفيش حاجة
انت تاسو
اللي جابك هنا اللينك و النت
شوفت الموضوع بسيط إزاي

و الله انت واحشني أكتر , و الاختفاء ده تقدر تقول انشغال مع شوية خنقة
و أشكركم على هذا الاهتمام , بالمناسبة انتو مين يا عم انت ؟
و الضيائيين طول عمرهم رجالة و بيقفوا وقفة رجالة , و اسأل محمد أفندي
موضوع الجواز : ادعيللي ... و كفاية
سؤال على الماشي : بطلت تدوين ليه ؟؟

محمد

FadFadA said...

اسلام
ربنا يكرمك و يتقبل منك يا رب هذا الجهد

mo'men mohamed said...

بصراحة بقى انا عمرى ماصالحت نفسى ولا عمرى حا صالحها
اصلى مطلع عينى وخانقنى على العموم
جزاك الله كل خير على الطرح الطيب
السلام عليكم

FadFadA said...

مؤمن
بداية مرحبا بك
مش مهم انك تتصالح مع نفسك , المهم انك تفهم نفسك و تعرفها كويس
ساعتها هاتعرف إذا كنت هاتصلحها و لا لأ
و ربنا يعمل اللي فيه الخير

محمد

M.FAWZYY said...

بجد يا محمد المدونة عاجباني جدا و فعلا كل ما أقرها بأقول ان فعلا ربنا وفقك فيها جدا
أنا المروة دي مش داخل أعلق أنا بس قلت أقوللك يا رب المدونات الجاية كلها تكون زي دي و لو اني عندي شك لأن دي فعلا مستواها عالى
و بحبك فى الله يا هندسة

وطـــني said...

قرات هذه الكلمات وقرأت ما قبلها المعنونة بـ(واحشني) ووجدتني امام فلسفة عميقة في الحوار مع النفس و وهذه قد تغيب عن كثيرين
إن اول خطوة لمن يريد الإصلاح أن يتصالح مع نفسه أولا وبعد ذلك سيهون كل شيء
و يسهل كل صعب
خالص تحياتي

FadFadA said...

محمد فوزي
ربنا يكرمك على الكلام الحلو ده
بس يعني إيه : و لو اني عندي شك لأن دي فعلا مستواها عالى
يعني اللي فات ما كانش عاجبك ؟؟؟
نهارك أبيض
:)
على فكرة ممكن نحب تدوينة مش علشان هي متميزة او مستواها عالي , و لكن نحبها علشان لمست حاجة جوانا , أي حاجة
صح ؟
سلام حبيبي

محمد

FadFadA said...

وطني
مرحبا بك
مهم قوي ان نفهم أنفسنا
نعرف ما تريد
نعبر عنها
نكتشف امكانياتها
نحدد أهدافها
نجد الوسائل المناسبة
و عندها نستطيع أن نفعل أي شيء

محمد

dead man said...

أنت فين يا باشا من زمان

طمنا عليك

Ahmed Ismail said...

هل من فضفضة جديدة

FadFadA said...

dead man
نايم شوية في قبري
و هصحى بعد شوية
لو تأخرت عليك , اعرف اني ما عرفتش أصحى
محمد

FadFadA said...

أحمد اسماعيل
نعم
هناك فضفضة جديدة و لكن لم تنزل إلى السوق بعد
محمد

ابو مفراح said...

جميله و الله
افضل ما قرات اليوم
و محبوكه
تشرفت بزيارتكم
ابو مفراح

FadFadA said...

أبو مفراح
أشكرك على كلامك الجميل
و أتمنى ألا تكون تدوينتي هي كل ما قرأت اليوم , و بالتالي تكون أفضل ما قرأت
:)
أشكرك لزيارتك
محمد

أنسانة said...

بصراحة كتير بعمل اللي انت عملته ده والسبب يكون لانى متأكدة انى محدش هيفهمنى في اللي انا بفكر فيه وعلشان الشورى ويبقي اسمى تحاورت مع احد واخذت المشورة بتحاور مع نفسي اه والله
هههههههههه
المدونة جميلة سلام وكل واقت وانت متحاور