Sunday, August 26, 2007

الحائر


يحيا حائراً

هو لا يريد أن ينام

خوفاً من الأحلام

فقد تعب من كثرتها

يريد أن يظل هكذا دائما ... مستيقظاً

و في نفس الوقت

يتمنى أن يغيب عن و عيه

و لو للحظات

حتى يريح عقله من كثرة التفكير

في كيفية تحقيق الأحلام السابقة

لا يعرف ماذا يفعل ... حائراً دائماً

لا يريد أن ينام

و لا يرغب في أن يظل مستيقظاً

66 comments:

عصفور المدينة said...

ولا يستطيع أن يظل مستيقظا هو لو ترك نفسه فإن احلامه سوف تشتاق إليه وبعدها سوف يطارده واقعه فيوقظه ولا يستطيع في واقعه إلا أن يحاول تنفيذ أحلامه

Anonymous said...

انا هسأل سؤال
هو انا المفروض أعلق على التدوينة دي؟؟؟؟؟؟؟؟؟
يا عم اكتبلنا حاجة الواحد يعرف يقول فيها حاجة
مش لازم تحسسونا ان احنا .....حتى لو كنا كده
جاملنا يا عم
المهم أنا قريت التدوينة دي أكتر من مرة و مش عارف أعلق
بس أنا برده مش هستسلم
ان شاء الله هعلق بس مش عارف امتى
لما يجيي الإلهام بقى
دي حاجه تحرق الدم
و بحبك يا هندسة

Anonymous said...

اعرف المرحله دى كويس .. ابدأ مباشرة فى الحال بالخطوبه غالبا على العيد فالقادم ان شاء الله فرح محمد عبد الله ياجماعة .. ياجماله .. ياجماله .. استعن بالله ولاتعجز .. ابدأ فورا.. لان المرحله اللى بعد كده .. وللحديث بقيه..

Anonymous said...

الله أكبر
أيوه كده الواحد فهم
يعني انت عشان هتجوز لازم تعمل طلاسم عشان تهيئ الناس
عموما الحمد لله ان انت خلاص اتفقت على كل حاجة
أنا من الأول بقول الناس دي مش هتلاقي زيك
ألف مبروك يا بشمهندس
و عقبال العقيقة
و متنساش تبلغ الناس بمعاد كتب الكتاب
انا مش هقول عشان يبقى انت اللى عزمت الناس
و على فكرة انا لسا معلقتش

Anonymous said...

الافضل ان ينام قليلا و ثم يستيقظ للعمل لانه في ظل في هذه الحيرة طويلا بعد حين ييغفو و ينام.

ارجو المزيد من التوضيح حول معني هذه التدوينة

حسام مراد said...

يااااه يا اخى انت جيت على الاى بتاعتى
انت بتتكلم عليا من ورايا ليه طيب

ليه يا اخى بوستك جامد ياباشا وانا حاسه عشان هو انا الحائر

مبدئيا دى اول زياره ليا هنا اتلاقيت نفسى فى البوست
فلازم هاكررها تانى يا مان
تقبل ارق تحياتى وسلاماتى

حسام مراد said...

عجبانى اوى التيتيل بتاعك فوق بتاع فضفضه من مجنون
وصف جامد بجد انا سعيد بزيارتى الاولى ليك بجد

FadFadA said...

عصفور المدينة
بالطبع هو لن يستطيع أن يظل مستيقظا , هو يتمنى ذلك , و ليس كل ما يتمناه المرء يدركه
و لو فكر قليلا سيرى أنه يجب أن يحلم , فما معنى الحياةإن لم يكن بها أحلام نتمنى أن نحققها ... و إن كثرت
و أشكرك أخي الحبيب على متابعتك
و بتنورني دايما بزيارتك

محمد

FadFadA said...

ابن فوزي
تعليقين مرة واحدة
بالنسبة للتعليق الأول
مش لازم تعلق , و مش لازم تفهمها , المهم انها توصل للحتة الجوانية اللي اسمها القلب
مجرد احساس خام غير مترجم أو مفهوم بيحرك حاجة , أي حاجة
يتفهم زي ما يتفهم ... مش مهم
المهم إنه يحرك
و لا إيه رأيك ؟
بالنسبة للتعليق التاني
ما تحاولش

سلام يا حبيبي

محمد

FadFadA said...

هندزة فرج
يعني حبيبي و أستاذي و عمي
انت شايف ان الخطوبة هي الحل !؟؟؟
امممممممممم !!!!؟؟؟
يعني مش لازم جواز ... خطوبة بس ... ممتاز
على بركة الله
على فكرة يا هندزة , ممكن حاجات تكتب مش بتعبر عن اللي كاتبها و تكون مجرد ترجمة لأحاسيس و مشاعر غيره , و ممكن لأ
مش معنى كده ان اللي مكتوب لا يعبر عني , بس مش شرط كل اللي أكتبه بيعبر عني
ممكن يكون مجرد احساس لفترة معينة و خلص
فاهمني ؟
يعني ممكن يكون احساس كان عندي فترة و كتبت عنه و وصفته و بعد كده راح لحاله , أصل الموضوع ... بقولك إيه , من الواضح ان عندك حق و لازم أخطب و هزود من عندي اننا اتجوز كمان
شد حيلك معايا
ربنا ما يحرمني منك

محمد

FadFadA said...

أحمد اسماعيل
فيه حاجات ما ينفعش تتشرح
تتحس بس
خاصة المشاعر
يعني ممكن تشرح معنى الخوف ؟
مهما شرحته لن تفهمه إلا عندما تشعر به
مش عارف فاهمني و لا لأ ؟
محمد

FadFadA said...

حسام
سعيد جدا بزيارتك الأولى
و كسفتني بكلامك الجميل ده
و الأجمد من الوصف زيارتك ليا و تعليقك الجميل
و بالنسبة للحيرة ... لازم نشوفلها حل
محمد

انسااااااااانة....غريبة said...

يااااااه اول مرة حد يوصف حالتى منغير ميعرفنى ههههه

لا بجد ساعات بحس ان لازم كل واحد يجيله وقت بيكون فى حائر بس المصيبة لما تكون فى اغلب الاوقات والمواقف حاااااااااااااااااائر

احساس غبى سخيف يضايق بجد وخاصة فى الوقت اللى احنا فيه ده

احب ولا لا
اروح الجمعية اعمل خير ولا لا

انام ولا اصحا

البس خمار ولا لا

انا صح ولا هما اللى غلط (ايوة كده كده انا صح )ههههه

اشرب عصير ولا اكل كنافة


الكلام ده صح ولا غلط

كذا حرام ولا حلال

والاجابة الدائمة والمستديمة


(مش عارفة)

Hadota ... حدوتة said...

السلام عليكم
مراسلتكم حدوتة تتحدث
هل تسمعنى؟؟؟؟؟

اولا انا شايفة كده فرح وكتب كتاب وحاجات حلوة
الف الف مبروك يا بشمهندس


طب هوا مش هيتعزم
طب انا؟؟؟
دا انا اكتر حد يسد فى المناسبات دى
خاصة لو فيه عشا
ههههههههه

بالنسبة للبوست بتاعك
هوا احساس
ومر عليا انا شخصيا فى ظرف صعب
بس مينفعش متنامش
نام واحلم كمان
هتخاف من الحلم ليه
دا مجرد حلم
بتشوف فيه الللى لا يمكن تشوفه فى عالم الواقع اللى ممكن يكون امر واصعب

وبالنسبة للاحلام السابقة انا مش هقولك تزعل ولا تندم عليها
لان عشان تسعى لتحيقيق حلم يكون فى مستطاعك ومتناسب مع قدراتك وامكانياتك
متحاولش انك تحلم حلم اكبر منك لان دا ممكن يعقدك وبدل ما يدفعك للامام يوصلك لحالتك دى
الخوف من الحلم والخوف من الراحة

نام وارتاح وادى نفسك فرصة انك تستعيد قوتك يمكن تحقق حلم فات لما تصحى ويمكن تحلم حلم جميل جديد تقدر تحققه


رغاااااية انا مووووت
وشكلى برغى بره الموضوع
حصل خير



متنساش تعزمنى على الفرح بقى
تحياتى ليك
:)

سلااااام

Anonymous said...

بص يا هندسة
بجد انا قريت المدونة دي كتير أوي
بس أنا حاسس ان اللى بيمنعني من تحقيق الأحلام دي قيود و لازم أكسرها
و لو معرفتش أحقق الحلم فأكيد في حد تاني هيحلم نفس الحلم ده بعدي جتى لو بعد 100 سنة بس انا ساعتها هكون بدأت في أول لخطوة للحقيقة
فانا رأيي أن انا أنام و أحلم و لما أصحي أحاول أحقق اللى أقدر عليه


على فكرة موضوع الفرح بدأ ينتشر شكله كده
و انا اسف ان انا علقت 3 مرات فى تدوينة واحدة

و بحبك يا هندسة

FadFadA said...

انسانة
في البداية مرحبا بك في مدونتي المتواضعة

عارفة الاحساس الأسخف ان الانسان يعيش من غير اختيارات أو بدائل يختار منها
أوقات الحيرة بتيقى مفيدة , بس زي ما قلتي ..لما تبقى هي الأصل تتعب جدا
لو احنا محددين طريق معين و هدف واضح عاوزين نوصله الموضوع ده هيوفر علينا كتير جدا من الحيرة , صح ؟
و تعالي بقى للأسئلة اللي سألتيها نجاوب عليها سؤال سؤال
مش احنا اللي بنقرر نحب , هو الحب بييجي لوحده
عمل الخير أكيد مطلوب , طالما مش هيأخر عن عمل خير أفضل
نامي وقت ما يجيلك نوم
البسي اللي ربنا أمر به
أكيد انت صح , و ممكن يكون هم كمان صح
لو عايزة عصير اشربي عصير , و لو عايزة كنافة روحي على أحسن محل و اطلبي كام كيلو
الكلام الصح صح و الكلام الغلط غلط
و الحرام اللي ربنا حرمه و الحلال اللي ربنا حلله

شوفتي الاجابات سهلة ازاي

انا عارف طبعا ان الأسئلة كانت مجرد أمثلة و الاجابات برده أمثلة

بس عارفة السؤال بجد اللي يحير و اجابته أوقات بتكون صعبة جدا : أنا مين ؟

هتكون مشكلة لو الاجابة : مش عارف

نورتيني

محمد

FadFadA said...

حدوتة
نعم أسمعك بوضوح
لقد تم تكذيب الخبر كما ورد في الأنباء التي وردتنا من الخارج
لايوجد فرح و و لا كتب كتاب
و لما يبقى فيه فرح اعتبير نفسك أول المعزومين
ندخل على الرد
فيه أغنية لمحمد منير جميلة أوي بتقول
لو بطلنا نحلم نموت
لو عاندنا نقدر نفوت
حبة صبر حبة حماس
يبقى الحلم صورة و صوت

و كمان فيه أغنية تانية ليه بتقول
قبل ما تحلم فوق .. احلم و انت فايق
قبل ما تتطلع فوق .. انزل للحقايق
جايز حلم في غمضة عين
عاوز يتحقق في سنين
و جايز يبقى الحلم اتنين
و تحققهم قبل دقايق

عارفة أوقات الواحد ما يكونش عارف يندم على الأحلام اللي ما تحققتش و لا الأحلام اللي اتحققت

مش بقولك : حيرة

FadFadA said...

ابن فوزي
قبل أي حاجة : انت تعلق زي ما انت عاوز و لو 100 مرة , ده تشريفك بينورني و يشرفني
على فكرة : الكلام دخه جد مش هزار و لا مجاملة

بص يا سيدي , كل واحد له حلم خاص به , ما ينفعش حد يحلم حلم واحد تاني
حلمك هو حلمك , ملكية خاصة , لا يمكن التعدي عليها
المشكلة بقى لما الأحلام تكتر و القيود تكتر و نلاقي نفسنا مش عارفين نحقق أحلامنا الكتير غصب عننا
ساعتها تفتكر الحل نبطل نحلم علشان ما نتعبش ؟
و لا نفضل نحلم و خلاص ؟

مش عارف ليه كل الردود بتقفل معايا بسؤال
على العموم أنا كمان بحبك

محمد

فوضى منظمة said...

مش عارف أعلق .. بس عايز أعلق .. شعور الحيرة ده وحش أوي فعلا .. الحلول الوسط والحزم السريع في أخذ القرار أظنه هو الحل .. بالتوفيق

FadFadA said...

فوضى منظمة
أخويا الصغير شاهنشي

فيه رباعية جميلة قوي لصلاح جاهين بتقول
و لو انضنيت و فنيت و عمري اتفرط
مش عاوز الجأ للحلول الوسط
و كمان شطط و جنون مانيش عاوز
يامين يقول لي الصح فين و الغلط ؟

ده الرد اللي كان ممكن أرد به على واحد غيرك
لان من حق أي حد يفهم اللي يفهمه حتى لو النص مش معناه كده
و بفرح جدا بالموضوع ده , ان الكلمات تحرك احساس - أي احساس - مش شرط توصل معنى , المهم انها توصل لجوا
خللي بالك : الكلام ده مع أي حد غيرك
و بما انك انت انت اسمحلي أقول كلمتين حسيت بهم في تعليقك
لما قرأت التعليق ما حستش ان هو ده اللي انا كنت قاصده من اللي انا كتبته ... يا أنا
فحاجة من اتنين
إما انا مش فاهم التعليق , أو انت مافهمتش التدوينة
و في الحالتين مافيش غير معنى واحد و هو ........0
أتمنى أكون مخطيء
و في النهاية أنا آسف على الكلام ده و على حاجات كتييييير
بس كلمتين زي ما قلتلك كان نفسي أقولهم و ترددت كتير جدا اننا أكتبهم بس اظن انك هتفهمني , صح ؟

سلام يا حبيبي

FadFadA said...

فوضى منظمة
نست أوضح حاجة في الرد اللي فات
الكلام ده مش في التدوينة السابقة فقط
ده بقى كتير
مش عارف صح و لا غلط !!!!؟

انسااااااااانة....غريبة said...

معتقدش , لان كتير مننا بيبقى محدد طريق واحد يمشى عليه بس برده بيحتار فى حاجات كتير

متشكرة جدا لاجابة الاسئلة انا عارفة انك فاكر انها مجرد امثلة بس انا استفدت كتير من الاجابات, باستئناء موضوع الكنافة ده لانى مش هلاقى اللى يدفع الحساب هههه

الحمد لله السؤال ده (انا مين؟) الوحيد اللى بلقيله اجابة

ده نورك يا فندم

الـفجـريـــة said...

هيه الحيرة فعلا شيئ سخيف بالذات لما بتكون هى الاصل زى مذكرت

لكن فى نفس الوقت وعن تجربة الأسخف من الحيرة هى الحياة ذات الرتم الثابت
بلا اختيارات وان كانت محيرة
بلا احلام وان كانت صعبة
بلا استيقاظ يملؤه التفكير
بلا معانى كثيير لا نشعر باهميتها الا عند فقدانها

اظن ان الانسان كمخلوق تحمل امانة اعمار الكون
طبيعة حياته ان لا تكون الراحة او الاستقرار الفكرى هو الثابت
بل تكون هى ما نبحث عنه ونفقده ونجده

فوضى منظمة said...

أخويا الكبير والعزيز فضفضة .. أنا أدعي اني بحس بيك وانت بعيد عني وانا مبشوفكش .. أنا صعب عليا جدا أعبر عن مشاعري .. عشان كده في التدوينة اللي فاتت على سبيل المثال ..أنا أدعي أني حاسس أوي الكلام اللي انت بتقوله .. ومش كده بس أنا مشكلتي أني أنا بتخيلك في دماغي .. فلك ان تتخيل مدى احاسيسي ..وعايز أرد بس مش عارف ارد .. قلت مش هعلق .. بس كنت عايز اعلق .. هو ده اللي حصل .. يعني انا عايز أقول أني فاهم .. بس يمكن مش عارف أعبر .. أو بهرب من اللي عايز اقوله .. على فكرة أنت أي حاجة بتقولها بيبقى عندي فيها ثقة كبيرة .. لأنك انت ديما اللي بتطلع صح .. فمش هعد اعند معاك كتييييييير(على فكرة أناهقولك على حاجة بس متقولش عليا مجنون .. أنا ساعات ببقى مقتنع برأي معين ..مقتنع بي خالص .. ويكون عكس رأيك .. وقعد ادافع عن رأي وانا مقتنع بيه .. بس مقتنع برده أنه في الاخر هيطلع غلط ورأيك الصح مع اني مش قتنع بيه اصلا .. زي بالضبط الموقف اللي احنا فيه دلوقتي .. انت حاسس حاجة وانا مش مقتنع بيها وبعاند معاك .. بس بصدقها عشان انت بتقولها ) ..أنا شكلي كده عمال أعك .. اسيبك بقى .. بالتوفيق

FadFadA said...

انسانة
انا ما قلتش ان تحديد الطريق هيمنع الحيرة نهائيا
انا قلت انه هيوفر كتير من الحيرة
معنى كده انه لازم هتحصل الحيرة طول ما عقلنا بيفكر
بس الحيرة لما تحصل و احنا عارفين عاوزين إيه بالظبط أريح كتير جدا جدا لما نكون حايرانين و كمان مش عارفين نحدد هدف معين لحياتنا , في الحالة ديه مش هتكون حيرة , هتكون حالة من التوهان
و لازم الهدف يكون واضح و محدد و قابل للقياس و واقعي و طموح
يعني مش هدف عايم

و بالنسبة لسؤال : انا مين ؟
جميل جدا اننا نعرف نجاوب عليه بوضوح و بدون اجابات عامة , بل باجابات بسيطة واضحة في جمل صغيرة في دقيقة بالكتير
بجد أهنئك على معرفتك اجابة السؤال
كتير بيعيشوا حياتهم مايعرفوش يجاوبوا على السؤال ده
يا بختك

محمد

FadFadA said...

الفجرية
قبل أي حاجة : مرحبا بك على المدونة و أشكرك على تشريفي بهذه الزيارة

ندخل في الرد
متفق معك تماما
قلت في الرد على انسانة :0
الاحساس الأسخف ان الانسان يعيش من غير اختيارات أو بدائل يختار منها

بس تعرفي ان أوقات المشكلة بتحصل لما بنحلم حلم مش حلمنا ... حلم مش بتاعنا
بنتعب جدا
فلازم كل واحد لما يحلم يحلم حلمه هو و يتأكد أنه هو ده الحلم اللي بيبحث عنه و ليس حلما لغيره

عندما نعرف أنفسنا و نعرف حلمنا , عندها سنجد ما نفتقده

فمن لم يعرف حقيقته لن يبلغ غايته

أشكرك مرة تانية على الزيارة

محمد

FadFadA said...

حماده شاهنشي
و الله انا فاهم اللي بتقوله ده
و ما فيش عك و لا حاجة , و حتى لو بتعك إيه المشكلة !؟
:)
حلوة كلمة ( ادعي ) اللي انت كررتها أكتر من مرة , جديدة
:)
يا حبيبي مش مهم مين فينا بيكون صح و مين غلط , المهم ان كلامك انت في الآخر اللي بيمشي حتى لو كلامي أنا صح
:)
فيه كلام كنت عاوز أقوله بس قلت انه ما ينفعش على مدونة
علشان كده مش هاقوله و لا على المدونة و لا في غيرها
:)
إيه الوشوش الكتير اللي اتعملت ديه !؟
و مين توفيق اللي كل مرة تسيبني معاه في آخر تعليقك ده ؟
:)

مش هاسيبك

محمد ... مش فضفضة

أحمد حربية said...

الحيرة تقتلني فهناك ما يمنعني من الجلوس إلي الإنترنت منذ قرابة الشهر فاعذرني لعدم التواجد...أو ندرته

أحمد

عبدالرحمن رشوان said...

حل

دعنا نعود للذاكرة
لماذا الحلم؟
فهو أصل المشكلة
فلنقتل فى ذواتنا الأحلام
فواقعنا مرير
والحلم أصبح يستوجب العقاب
لأنه جريمة
حيث يتبعه الألم
فلتعاقب الجريمة
أو تعاقب الحلم
أو تقتل الجريمة
أو تقتل الحلم
وحينها ينفك الحلم عن النوم
فتهنئ بسويعات قليلة
وتكون اليقظة حينها
بهجة محببة سعيدة

حل أخر
ولتنظر إلى فلسفة الحلم
فهو واقع
لكن مؤجل للغد
إذا دعنا نحل المشكلة
ولنعش لليوم
ما لنا وللغد
دعنا أخى نعش لحظات اليوم بكل تفاصيله
ولننس الغد هذا
أو بمعنى أخر
للنس الحلم

حل ثالث
فلأننا فى هذه الدنيا
تتصارع أحلامنا
فلنخرج من الحلبة
ونعلن الحياد
فالحلم الفائز دائما قد خاض مررات الهزيمة
وانتكس
وعانى فى يقظته
حتما قد عانى
ولكنه فى النهاية رفع راية النصر
تخفق فى السماء فوق كل الأحلام المدحورة

حل رابع
وصدقنى ياإمام
الحلم قد يكون كابوسا
وقد يكون رؤيا
وقد يكون أضغاث أحلام

ولكننا دائما ما نتخيل أنه رؤيا

FadFadA said...

أحمد حربية
ياااااااااااااه
لا تتخيل كم افتقدتك
أنهى الله هذه الحيرة التي حرمتني منك
أرجو أن تعود سريعا
فأنا في شوق لخواطرك

محمد

FadFadA said...

عبدالرحمن
يا ابن الذين
إيه الكلام الجامد قوي ده!؟؟
عاوزني أرد على الكلام ده !؟؟؟
صعب قوي
بس هاحاول

الحل الأول
لا يمكن أن نهنأ بسويعات قليلة
و لا يمكن أن تكون اليقظة بهجة محببة سعيدة
بعد قتل الأحلام
لإنه باختصار
إن قتلنا أحلامنا
فقد قتلنا أرواحنا

الحل الثاني
نحن نعش اليوم حلما حلمناه بالأمس
و غدا سنعيش حلما سنحلمه اليوم
فما اليوم في حقيقته إلا حلم
فكيف سنعش يومنا ... بدون حلم
بدون يوم

الحل الثالث
لا يمكن أن نكون على الحياد
فمن سيسمك السيف
لنصرة الحلم
كيف ينتصر بدوننا ؟
فهو نحن .. و لكنه خيال واقعي

الحل الرابع
الكابوس ... كابوس
الرؤيا ... رؤيا
و أضغاث الأحلام .... بالتأكيد أضغاث أحلام
فأنا أعرفه كما أعرفك
و لكنه لا يفارقني

صديقي , ابحث عن حل خامس

بحبك
محمد

ابن حـجـر الـعـسـقـلانـى said...

يأسك و صبرك بين ايديك و انت حر
تيأس ما تيأس دى الحياة راح تمر
أنا دوقت من دة و من دة عجبى
لقيت الصبر مر و برضك اليأس مر
عجبى

و تحياتى لك يا عم فضفضة

ابن حـجـر الـعـسـقـلانـى said...

معلش حاجة تانية عايز أقولها
محمد منير بيغنى أغنية مش عارف مين اللى مألفها بيقول
___________
ساعات أحب حاجات
مايحبهاش غيرى
فى الرايحة فى الجايات
أغنى مع طيرى
طمنى أطمن
فى القلب راح أسكن
و طول هواكى معاى .... أدفى و اطمن
____________

معلش طولت عليك بس انا كدة استريحت

Anonymous said...

بص بقى انا مكنتش ناوي أعلق تاني فى المدونة دي
بس بصراحة لما قريت تعليق رشوان و الرد عليه
قررت ان انا أقولكم الحل الخامس
ان انتو لما تعوزو تقولوا الكلام ده تقولوه فى أى حتة تانية غير المدونة
عشان مشعار اخوانكو اللى بيدخلوا عليها
و طبعا عندي ملاحظة
انت شفت بقى رشوان بعد ما اتجوز تعليقاته بقت عاملة ازاى
طبغا انت فاهمني
خلى بالك بقى
و بحبك يا هندسة

FadFadA said...

ابن حجر
و جاهين
و منير
كل دول مع بعض !؟؟؟؟؟
الرباعية اللي انت اخترتها من الرباعيات اللي بحبها جدا
اختيار جميل

و اسمع مني و من جاهين

حاسب من الأحزان و حاسب لها
حاسب على رقابيك من حبلها
راح تنتهي و لابد راح تنتهي
مش انتهت أحزان من قبلها
عجبي

و تعالى بقى لمنير

الصعب راح ولي
الحب ده احلي
لو وقفت الساعات
صوتي اكيد اعلي

و انا كمان استريحت
:)
شرفتني بزيارتك

محمد

FadFadA said...

بن فوزي
قبل ما أرد عليك , أنا قلتلك انك تعلق زي ما أنت عاوز
و الله كل تعليق منك بفرح به جدا

نيجي للرد
بص ... عبدالرحمن - أظن - كان بيرميللي طعم علشان يعرف أنا مكتئب و يائس و لا لأ
و أظن و الحمد لله أنني لم التقطه
و ده لأننا عارف ان بودي مش هي ديه شخصيته خالص , ده ممكن كل الدنيا تستسلم و تكون انهزامية إلا هو
و انت عارف دماغه

يعني يا حماده الموضوع مالوش دعوة بالجواز , و الله يكرمك ما تورطش الراجل

بس على فكرة الكلام اللي هو كتبه له مكان مستخبي جواه , لإن الكلام فيه احساس عالي قوي

و ماتخافش عليا ... أنا واخد باللي قوي
و ربنا يستر
فلا يمنع حذر من قدر

مستني منك تعليق تاني ... و إوعى تتكسف
:)

سلام يا حبيبي

FadFadA said...

يا بن فوزي
نسيت أقول لك حاجة
واخد بالك معدل الكتابة عند عبدالرحمن بقى عامل إزاي !؟
بقى بيكتب كل فين و فين , صح ؟
على فكرة سألته , فقال لي انه مطحون في الشغل
طيب ما طول عمره مطحون في الشغل

تفتكر إيه اللي حصل جديد !!!!!؟؟؟؟

خللي انت بالك

dead man said...

البعض يظل مستيقظا خوفا من الكوابيس

BELBESY said...

لا يعرف ماذا يفعل ... حائراً دائماً

لا يريد أن ينام

و لا يرغب في أن يظل مستيقظاً

_____

عجبتنى جدا
كانك بتتكلم عليا
بس مع اختلاف بسيط


محمد

FadFadA said...

dead man
حبيبي اللي واحشني جدا

لو استطعنا أن نقضي على مخاوفا عندها ستنتهي الكوابيس و نستطيع النوم
و لكن يجب أولا أن نحددها

واحشني كتاباتك جدا

ما تنساش اللي اتفقنا عليه
و ان شاء الله - أشوفك في رمضان

محمد

FadFadA said...

بلبيسي
فينك يا عمي ؟
بافتقد زيارتك

ما قلتش إيه هو الاختلاف ؟

ماتغبش علينا تاني

برده محمد

belal said...

طب واللي عنده أحلام يقظة..يعمل ايه هوا كمان

FadFadA said...

other things
خللي بالك ان اللي بيحلم و هو نايم عايش حائر
فما بالك بمن يحلم و هو صاحي !؟
:)

أظن أن أحلام اليقظة هي عبارة عن حلم زي أي حلم بس مسيطر علينا بقوة و ماسكنا من تلابيب روحنا
فحاجة من اتنين إما اننا نحققه بكل قوتنا فيتحول لواقع , أو ننسى الحلم ده خالص لإما هانفضل نايمين و احنا صاحيين

و لا إيه رأيك انت ؟

محمد

انسااااااااانة....غريبة said...

خلاص يا جماعة رمضان داخل اهو والحيرة هتقل اوى عارفين ليه لاننا مش هنبقى عايزين غير حاجة واحدة وبس طريقها معروف وطلباتها واضحة

اقصد اننا مش هنبقى عايزين غير رضا ربنا ومغفرة لذنوبنا يعنى ربنا وبس والطريق المعرف الصيام الصح والطلبات صلاة ودعاء وذكر وحسن خلق

ربنا يهدينا واياكم لما فيه الخير والصواب


وجزاكم الله خير

احمد الجيزاوى said...

كل عام وانتم بخير وعادة الله عليكم وعلى الاهه الاسلاميه بكل خير
كل عام وانتم منصورين واقوياء
كل عام ومصر بخير
احمد الجيزاوى

ياسر سليم said...

السلام عليكم ورحمة الله وبركاتة

كل عام وانت بخير

غفر الله لنا ولك فى رمضان

و ثبتنا على الخير بعد رمضان

FadFadA said...

انسانة
كل سنة و انت إلى الله أقرب
و نسأل الله أن يعيننا على ذكره و شكره و حسن عبادته
على فكرة الحيرة بتحصل عشان اللي انت قلتيه ده
فنحن نتمنى أن نفعل الكثير لله عز و جل
فكيف سنفعله
من الممن أن تهدأ الحيرة في رمضان قليلا
و لكن ماذا سيحدث بعده ؟؟

محمد

FadFadA said...

أحمد
كل عام و نحن إلى أقرب
أشكرك على زيارتك أخي الحبيب
محمد

FadFadA said...

ياسر
و عليكم السلام و رحمة الله و بركاته
كل عام و أنت بخير
و أعاننا الله على طاعته
و تقبل الله دعاءك

محمد

Anonymous said...

رمضان كريم

كل عام و أنتم بخير

انسااااااااانة....غريبة said...

بجد يا جاعة مش حاسين ان الحيرة ده قلت الى حد كبير جدا فى الشهر الكريم ده

اسال الله ان يثبتنا واياكم على ذلك بعد رمضان



وادعوكم لتتلقوا عن الله اية فى مدونتى , وجزاكم الله خير

دعاء عادل said...

عارف لو ماخفش من الحلم واستسلم ليه مش بعيد بعدها يلاقى نفسه مبسوط
عارف المفروض يتحدى خوفه ويعمل اى شىء بيخاف منه

hossa morad said...

فينك ياباشا
عامل ايه
هو الصيام بيعمل فى الناس كده
انا كل ما ادخل مدونه اتلاقيها مفيش جديد

رمضان كريم

Anonymous said...

حبيبى ابو حميد ..انا كنت مش حاكتب حاجة .. لكن ماشاء الله لقيت الدوشه دى وكل الناس دول..قلت بالمرة اعزمهم على فرحك .. بصراحة حسيت فى مدونتك انى فى فرحك بجد .. علامه حب الله للعبد حب الناس له .. ولو سمحت ماحدش ليه دعوة بعبد الرحمن رشوان ..كان شباب ياولداه..

حسام مراد said...

باشا ايه الاخبار
ازيك

عندى ليك تاج يا معلم

تعالى خده بالذوووووووق
ما تخفش عليه كوبايه خشاف
ههههههههههههه

يلا تحياتى
سلاماااااااااااااااات

Anonymous said...

أنا مش قادر أوصفلك قد إيه أنا سعيد إني لقيت حد غاوي فضفضة زيي.. ربنا يوفقك .... أتمني نفضفض مع بعض كتيير.

dead man said...

باشا .. فينك .. قلقتنا عليك ومبتردش علي تليفونك

طمنى عليك

FadFadA said...

أنس الشامي
أعتذر عن التاخر في الرد
شرفتني زيارتك
محمد

FadFadA said...

انسانة
ها قد انتهى رمضان
و ها قد عدنا مرة أخرى إلى الحيرة

كل سنة و انت طيبة

محمد

FadFadA said...

دعاء
حمدالله على السلامة
و ألف ألف - يعني مليون - مبروك على الجواز

متفق معاك في اللي قلتيه
بس السؤال : هو ممكن يستسلم لأي حلم ؟
فالأحلام كتيرة قوي

محمد

FadFadA said...

saiko_eg
موجود يا عمي , بس كنت واخد أجازة من التدوين في رمضان

نورتني بزيارتك الجميلة ديه

محمد

FadFadA said...

هندزة فرج
ربنا يكرمك على كلامك الجميل ده
و دايما انت كده يتحرجني بذوقك
و على فكرة ما حدش يقدر ييجي جنب عبدارحمن , ده أستاذنا و عمنا
بس احنا بنقول واقع , صح ؟

ليا عندك طلب , يا ريت بلاش الاشاعات اللي بطلعها لحسن حد يصدق و يزعل و يقولك محمد هيتجوز من ورانا
:)

و ربنا ما يحرمني منك يا عمي

محمد

FadFadA said...

حسام
يا خبر أبيض , فاتني الخشاف
معلش تتعوض
أشكرك يا حبيبي على تاجك , بس استأذنك اننا هاتأخر شوية في الرد لحسن التاجات ديه عاوزلها دماغ عارفة بتكتب إيه , و أنا للأسف باكتب من غبر ما اعرف انا بكتب إيه

أشكرك مرة تانية يا صديقي

محمد

FadFadA said...

نبيل
و انا مش قادر أوصفلك قد إيه أنا سعيد بزيارتك
أنا مستعد للفضفضة و في انتظارك دائما

محمد

FadFadA said...

dead man
أنا آسف جدا جدا على هذا الانقطاع
بس ظروف و لما أقابلك هاحكيلك عليها
أنا آسف جدا مرة تانية يا احمد
ان شاء الله - أشوفك قريب جدا
هاتصل بيك

محمد

أنسانة-شوية وشوية said...

بصراحة يا بخته فيه ناس مبتحلمش اصلاً ومبتعرفش تحلم