Friday, October 3, 2008

... لحظات


أحاطتنى بقعة من ظلام تسللت من بين أشعة لمبات نيون الصالة من ورائي
وصلت إلى حيث أجلس في البلكونة
أتأمل ذلك الخط الفاصل بين السماء و الأرض
و أنظر إلى نصف القمر المظلم
و من حولي النور
فكانت الرؤيا أفضل كثيرا ...
حاولت و أنا في هذه الحالة بين اليقظة و المنام
و تتراقص حولي خيالات و أحلام برقصات جنونية
تظهر و تختفي
أن أحصي على أصابع يدي
لحظات السعادة العابرة التي مرت بي
... في أيامي السابقة
أصابع يدي كلها رفضت أن تنثني
و بعد طول إصرار ... أخبرني الإبهام
أن ما أحاول تذكره
ليس إلا مجرد لحظات وهم أتت في ظرف طارق
ضلت طريقها ... و جاءتني بالخطأ
فمرت سريعا و بالتالي لا تحتسب
حزنت على أنني لم أسعد من قبل
و لكن أين الخلل ؟
و حتى أستريح ... أقنعت نفسي بأن أصابعي هي المخطئة
هي من لا تريد أن تطيعني فتنثني
و لكي أكون سعيدا
ما عليّ إلا أن أبدلها فقط
بيد أخرى جديدة
بدون أصابع ...

لعد لحظات السعادة التي لم تمر بي قط

34 comments:

عصفور المدينة said...

ربما هو لا يحسن العد
واللحظات كثيرة

شهيدة said...

نحن كبشر نحسن رؤيه الاشياء بعيني طفولتنا كما هي .. أبيض او اسود

كم من لحظت سيئه كانت عين اللطف وسببا في انشراح أيامنا فيما بعد

عود أحمد

أنسانة-شوية وشوية said...

ياه اخيراً يا محمد
حمد الله علي السلامة وكل سنة وانت بخير وصحة وستر

اما عن اللحظات احنا دايما منشوفش كويس خصوصا واحنا جوه اللحظات ولما نطلع باره بارواحنا وانفسنا نشوف كويس، والله يعلم وانتم لا تعلمون
انا عندى مثل دايما بقوله (ياما دقة علي الراس طبول، وكله بيعدى حلو بيعدى وحش بيعدى)

esraa said...

مش احتمال اللحظات أكتر من صوابع الايدين وعشان كده مكنتش تنفع تتعد عليه

هي بتبقي حاله
لما بتيجي مابتسبش جنبها اي حاجه حلوه
ولما بتروح الدنيا كلها بترجع حلوه

2ragooZ said...

السلام عليكم
حمدالله على السلامه انت فين من زمان يا راجل ..
طبعا ..انا اول مره اجى هنا .. وما اعرفش انك كنت مختفى بس قولت اقول زى ما بيقولوا ..

يعنى كلنا بنمر باللحظات دى .. وبنمر باسوأمنها كمان .. بس عارف يا محمد .. كتير من الاحيان بتحس بعدها انك استريحت .. بتحس ان مجرد التفكير ده شال شوية هموم من على قلبك ..ده بالنسبه للحاله
بالنسبه للسعاده .. هانلاقى اننا لازم الاول نقول يعنى ايه سعاده بالنسبه لينا .. _كل واحد لوحده طبعا _
السعاده ..مش موقف ضحكنا فيه .. ولا السعاده فى انك تعيش حياتك مرتاح ومن غير مشاكل مع الناس .. لان المشاكل لو مش موجوده فى الدنيا هاتبقى موجوده فين .. فى الجنه .. ماهى لازم تبقى موجوده هنا فى الدنيا ..مش هاقعد ازيد فى كلام متعاد كلنا حافظينه ..

لكن اللى اقدر اضيفه من تجربتى الفقيره ..ان السعاده بالنسبه ليه .. هى انى اعيش الشخصيه اللى فى دماغى ..الشخصيه اللى شايفها لنفى جوايه .. مش اللى باقابل الناس بيها ..ومش اللى باتجمل بيها .. ومش اللى باكدب بيها ..

بمعنى اصح ..مش الشخصيه اللى الناس عاوزه تشوفنى بيها .. الشخصصيه اللى انا عاوز اشوف نفسى بيها ..

يمكن يكون الموضوع محتاج توضيح اكتر من كده .. بس يعنى كفايه كده المره دى والمره الجايه نبقى نكمل ..

وصدقنى اللى انت فيه ده هو اللى بيخلى للحياه طعم ولون ..

كل سنه وانت طيب

Anonymous said...

ياااااااااااااااااااه حمد الله علي السلامة و الله ليك وحشة , اين انت الان طمنا عليك.
كثيرا منا من يواجه مثل ذاك الاحساس و يظل يتسلل الي عقلنا و شعورنا حتي يشعرنا باننا لسنا سعداء و ان عمرنا عدي من غير اي لحظة سعادة واحدة و هذا خطأ .
في بداية الامر نتوهم ذلك و نقوقع انفسنا في دائرة الظلام فمنا من يفيق و يخرج نفسة في الوقت المناسب و منا من يغمس نفسة في بؤرة الظلام .
و هافكرك بعمنا صلاح جاهين
حاسب من الاحزان و حاسب لها........................
عودا احمدا
Shimo

rana 3amra said...

ماينفعش
سعات الدنيا بتكون ضلمة اوى لدرجة انك مش شايف ايدك نفسها

متهيالى انت مكنتش شايف ايدك من كتر الضلمة
حاول تنور حته صغيرة ف روحك واكيد ساعتها ايدك هاتطاوعك

نعكشة said...

الاصابع مش هيا المشكلة ........

انظر للحظاتك تلك اللتي مرت في ثوان معدودة لإنك تعتقد ذلك فقط

كل لحظات السعادة عند الناس هي لحظات معدودة لإن ببساطة " الوقت الحلو بيمر بسرعة"

احسن الظن بالامور

وتأكد انك لا تحتاج إلي يد أخرى بل إلي رؤية أخرى

سلام عليكم

FadFadA said...

عصفور المدينة
و ماذا يا أخي الحبيب لو كان يحسن العد ؟

تعرف إنك وحشتني جدا

محمد

FadFadA said...

شهيدة
و أحيانا ننظر إليها و نراها بألوان مختلفة
فهل نحن من نقرر اللون الذي نراه بها ؟

محمد

FadFadA said...

انسانة .. شوية و شوية
عارفة المشكلة فين ؟
المشكلة ان الحلو بيعدي بسرعة قوي , أما الوحش فبيقعد كتير فبيخلينا نحس إن مفيش غيره
متهيألي كده ...


و كل سنة و انت بألف خير

محمد

FadFadA said...

esraa
بس الحالة ديه لما بطول بتكون رخمة قوي , و لما بتستمر لفترة طويلة بتكون أرخم

محمد

FadFadA said...

2ragooZ
عجبني كلامك قوي
مليان طاقة إيجابية حلوة قوي
عارف ... كنت كاتب بوست قبل كده بعنوان ( محتلف ) أظن بيتكلم على اللي انت قصده

بجد بجد ... نورتني
و مستنيك علشان نكمل

محمد

FadFadA said...

Shimo
و هناك من يفيق و يحاول الخروج و لكن دائرة الظلام تأبى له الخروج

مش قصدك الرباعية بتاعت
حاسب من الاحزان و حاســـــــب لها
حاسب علي رقابيك من حبلـــــــــــها
راح تنتهي و لابد راح تنتهــــــــــي
مش انتهت أحزان من قبلهــــــــــا؟

معرفهاش
:)

محمد

FadFadA said...

rana 3amara
هاحاول أنور كل مصابيح روحي و هاجرب
و يارب أشوف

محمد

FadFadA said...

نعكشة
... المشكلة بقى
أنا عارف منين أجيب يد أخرى
بس مش عارف أجيب منين رؤيا أخرى
:)
و السلام عليكم

محمد

SHAHEENSHY...فوضى منظمة said...

يروى أنه أحد أمراء الأندلس .. لعله محمد بن ابي عامر .. بعد أن توفي ..وجد في خزانته صحيفه مكتوب فيها الأيام التي صفت له ..أنه في يوم كذا من شهر كذا صفا لي هذا اليوم .. وفي اليوم كذا من شهر كذا صفا لي هذا اليوم .. فعدوها فوجدوها .. تخيل ؟؟؟أربعة عشر يوما فقط ... أظن أن هذه هي الحياه

السعاده رحلة .. ليست مصير أو قرار يا صديقي .. المهم أن يرزقنا الله الرضا عن حياتنا وعن ما يكتبه لنا بحلوه ومره .. بالتوفيق

FadFadA said...

SHAHEENSHY
إيه يا عم الكلام الكبير ده !؟

بس عارف ... أظن لو عرفنا مصدر السعادة و سببها .. ساعتها هتكون قرار
متهيألي كده

محمد

Anonymous said...

ياربي....انا ايه بس اللي خلاني افكر ادخل عندك....ما انا كنت مرتاح من الكلام الصعب ده ...مش فاهم حاجة.يعني ايه .انت دلوقتي صوابعك وجعاك ولا ايدك بعد الشر اتقطعت...متهيألي الحل انك تقطع الصباع اللي فيه الدبلة...بقى ياراجل مش فاكراي لحظات سعاده ...ده انت كده هتزعل "الحكومة" منك من اولها....بحبك ياهندسة والله وحمد لله على السلامة...وميهمكش اكتب تاني وانا هحاول افهم اللي انت بتكتبه ..بس ياريت يكون بالانجليزي ..انت عارف كل واحد وعلامة بقى


peace ya man


Tasso

Anonymous said...

السلام عليكم يا هندسه
يا عم انت فين كل الغيبه دى بتعد فى صوابعك
واحشنا جدا بلاش صوابعك تاخدك مننا أوى كده
و بعدين إيه البوست النكدى ده
هى ناقصه
أنا أبدأ العد و انت كمل
1-اتعرفت على عبد الرحمن
2-اتعرفت على أحمد أخوه
3-اتعرفت على محمد أخوهم
4-اتعرفت على بنات عبدالرحمن
5-اتعرفت على بنت أحمد
أهو الإيد خلصت و لسه مجبتش باقى العيله

واحشنى والله
بص يا جدو
أنا من سنه أول طلعه جويه لي حيث أنا الآن
كنا طالعين أربعه مع بعض
كنا تعبانين جدا فى يوم فواحد مننا نام فى المسجد
الراجل المؤذن مش عربى بس قارئ ممتاز و حافظ لكتاب الله
بيقوله مالك ليش نائم
صاحبى قاله بأستريح
قاله
دنيا ما فى راحه
راحه بس فوق و أشار بيديه إلى السماء
و رب العزه بيقول
لقد خلقنا الإنسان فى كبد
و قال
فلنحيينه حياة طيبه
و قال
فإن له معيشة ضنكا
و الشاعر قال
خلقت على كدر و أنت تريدها صفوا من الأنكاد و الأكدار
و أنا بأقول
أنا متوقع حالتك دى تستمر لحد ما أنا أنزل مصر
بس متقلقش
هتفضل متنكد لحد نزولى و دى حاجه طبيعيه ناس كتير جدا مروا بيهاسواء لما أنا سبت المدرسه أو الكليه أو الشغل الأولانى أو البلد كلها
عادى يعنى
و نسأل الله أن يرزقنا الإخلاص
سلام عليك
متقطعش أوى كده
سيبك من صوابعك
محمد بيه فوزى محبوب الجماهير

FadFadA said...

Tasso
بص يا باشا ... البوست ده أنا كتبته قبل الدبلة
و الحكومة عارفة كده فماتحولش تهدي النفوس
و بالنسبة لفهم الكلام ... المشكلة مش في اللي مكتوب و لا فيك ... المشكلة في ضياء نفسه انه بيطلع أمثالك و أمثال عمرو خاطر
:)
على فكرة , انت وحشني جدا بجد
come baby come
bye

محمد

FadFadA said...

بن فوزي
و عليكم السلام و رحمة الله و بركاته
بجد لا تتخيل سعادتي لما لقيت تعليقك

عارف يا محمد , البوست ده أنا فاكر إني كتبته و كنت في حالة كويسة جدا
شيزوفرينيا ... صح ؟
و بالنسبة لنقاط السعادة اللي ذكرتها ... طبعا عندك حق
و كفاية كنت تذكر عبدالرحمن بس

وحشني جدا جدا جدا , و فعلا كان نفسي تكون معايا اليومين دول
نفسي أشوفك قريب علشان الحالة ديه تروح , طالمل حضرتك قلت انك السبب
:)
طمني عليك على طول

محمد

سمكه وحده said...

سلام عليكم

بقلك ايه عندكش صوبع ذياده تسلفهولي

بجد كلمتك جميله وتعبيراتك اجمل وكل سنه وانت والحكومه بالف سعاده
ربنا يبعد الهم عنك وديما في تالق

اعتقد بقي بعد الدعوتين الحلوين دول لازم وعنفوانا تتقبل مروري بما انها اول مرور يعني

سمكه

soso said...

بجد مش عارفة اعلق
مش هنا بس فى كتير من تدويناتك
لا ادرى ان كنت اسرح بها
ام افكر كيف تكتب بهذا الكم من المشاعر
فى موقف وان بدا بسيط
تجعلة يتحرك كفيلم سينمائى
فأخرج منبهرة من روعة الاحساس
دام لنا كلماتك

ابو رويدا said...

محمد وحشنى جدا و كان نفسى اشوفك قوى قبل ما اسافر انا حاليا فى الجزائر و دائما ادخل المدونة كى اتابع ما تكتب و لكن هذه المرة ليتنى لم ادخل - كلامك مؤثر و فى نفس الوقت متعب و ياتى على الجرح و يجسد ما احس به و ما اقاسيه - هل هناك فعلا سعادة و هل ممكن ان تظل دائمة و ان لا يعقبها حزن او ضيق او ضجر اظنه مستحيل - ادعيلى كتيير

FadFadA said...

سمكه وحده
يا خبر أبيض ... طبعا انت تنوري في أي وقت
و مجرد مرورك ده شرف كبير للمدونة

و شكرا على الدعوتين الحلوين دول

محمد

FadFadA said...

soso
بجد أنا اللي مش عارف ارد على كلماتك
بجد , بجد , شكرااا

محمد

FadFadA said...

أبو رويدا
لا تتخيل وحشني قد إيه !!؟؟
سافرت من غير ماشوفك و لا أسلم عليك
بجد وحشني قوي

عارف , فيه قصيدة للدكتور القرضاوي عن السعادة ابحث عنها و اقرأها
حلوة قوي

أجازتك إمتى ؟
أول ما تنزل - إن شاء الله - لازم تعدي عليا

ادعيللي كتير و طمني عليك

كجكد

soso said...

جيت اعلق تانى
عارف لية
لانى بجد معجبة بألكلمات اوى
مش هقولك لية مش بتيجى كتير زى مكنت بقول زمان
لانى بجد تأكدت انك لما بتدخل تكتب على مدونتك
فقط لتبدع بها
اخى محمد
دمت بخير

ابو رويدا said...

هل لى ان اقتبسها و اضعها فى مدونة الطالباوية

ابو رويدا said...

قل للذي نشد السعادة : دونك النبع الفريد
ان السعادة منك , لاتأتيك من خلف الحدود
هي بنت قلبك , بنت عقلك , ليس تشرى بالنقود
فاسعد بذاتك , أو فدع أمر السعادة للسعيد
من قصيدة السعادة للشيخ القرضاوى

FadFadA said...

soso
بجد انا اللي مش عارف ارد على كلامك ده بإيه !؟؟؟؟
بجد بجد أشكرك

محمد

FadFadA said...

ابورويدا
فاسعد بذاتك , أو فدع أمر السعادة للسعيد
إن التقي هو السعيد

يا باشا أنا ليا الشرف إني ينزلي حاجة مع الطالبوية

محمد

superior said...

hermes birkin bag
hermes birkin
hermes bag
hermes handbags
gucci handbags