Thursday, October 30, 2008

من باب التغيير - ملل


كل يوم
يستيقظ من نومه
يأكل نصف رغيف
مع صفار بيضة
يشرب نصف كوب شاي
يذهب إلى العمل
يعود إلى البيت
يقبل ابنته قبلة واحدة
على خدها الأيمن
ثم ينام
نوم دون حلم
... حياة رتيبة
لا تتغير
...............................
و في يوم
استيقظ من نومه
شعر بشعور جديد
قال : آن أوان التغيير
أكل نصف الرغيف مع الصفار
شرب نصف كوب الشاي
ذهب إلى عمله
عاد إلى بيته
قبل ابنته قبلة واحدة
و لكن هذه المرة
.... على خدها الأيسر
ثم نام

20 comments:

esraa said...

لأ تغير جامد فعلا
/:

Anonymous said...

اهم حاجة كان بيض بلدي ولا ابيض ....لان ممكن بعد التغير يكون بيض بلدي وده معناه انه قلل نسبة الصفار اللي بياكلها وده طبعا هيؤدي الي خلل في الوظائف البصرية التي ادت الى تقبيل الخد الايسر اعتقادا بانه هو الخد الايمن ....فعلا ساعات كتير الاحساس بالحياة بيتلخص في كلمة واحدة ...بيض...ريس سمج وسنتيح زي البيض...حكومة غبية وصفرا زي البيض...كتاب وصحفيين منافقين من بره حاجة ومن جوه لون تاني زي البيض ...وهلما جرا....تحياتي من حبيبك اللي "ما بيفهمش حاجات بتكون مفهومة جدا"

Anonymous said...

.............................................ز

شهيدة said...

لأ بصراحه عمل اللي عليه وزياده

FadFadA said...

esraa
مش كده برده
:)

محمد

FadFadA said...

اللي ما بيفهمش حاجات بتكون مفهومة جدا ... تاسو
طبعا وجهة نظر حضرتك بالنسبة للبيض غاية في الروعة
و تحليلك لسبب تقبيل الخد الأيسر بدلا من الخد الأيمن رائع بالفعل
و اختصار الحياة في البيض أظنها نظرية لو روجت لها ستلاقي قبول عند الكثيرين
فسر على بركة الله
و هلم جرا

محمد

FadFadA said...

.....................
أظن كده الرد واضح

محمد

FadFadA said...

شهيدة
بجد المشكلة هتكون لو هو مقتنع فعلا أنه عمل اللي عليه

Anonymous said...

يا سلام عليك ياهندسة يايللي بتاخد بأيد الشباب وتشجعهم ....ربنا يخليك للشباب المثقف يارب ...على فكرة انا هاسجل هذه الرؤية للحياة من منظور بيضة في الحقوق الملكية والفكرية تحت دراسة بعنوان "مصر من منظور البيض-ايدلوجية فكريةمعاصرة"....هتبقى دراسة بيض جدا الصراحة ...وكفاية ..جدا لاني اتقرفت وشاطر انك عرفتي لوحدك ...لأ مركز فعلا...ايوه كده كنت خايف ليكون كتب الكتاب اثر عليك زيي..ادعيلي

TASSO

2ragooZ said...

السلام عليكم
هو انا كنت منتظر حاجه تانيه .. كنت منتظر ياكل البياض بتاع البيض ..
بس انت طلعت لئيم وخدعتنى
:)
بس عموما .. هو اللى اختار .. انه يلف فى دايره مركزها اللامكان .. دائره غير منتهيه ...
وعليه بقه انه يتحمل النتيجه

ابو رويدا said...

حبيبى و كانها سلسلة من مقالات او تدوينات جميلة فعلا التغيير واجب و لازم فى الفترة الحالية و لكن ليس تغيير هذا الشخض فهو تغيير ناقص تغيير و ليس بتغيير
فعلا تصف حالتى و كانى اجلس معك فتسمع منى و تكتب
و لهذا استاذنتك فى مدونة لحظات لانى اردت ان انقل ما اشعر به لاحبابى
و الان حان وقت التغيير

Anonymous said...

السلام عليكم
والله
من باب التغيير
والله يا بشمهندس أنا قعدت أفكر كتير إزاى أرد رد من باب التغيير
فكرت أعلق على الراجل
و على أوان التغيير
و على التغيير نفسه
و على كل واحد فينا
و حاجات كتير بقى
و فكرت أكتب التعليق بال
english
أو بالعربى بس من الشمال لليمين
أو باللهجه الشاميه
أو أخلى واحد هندى يكتبهولى
و فى الآخر
قلت من باب التغيير
مش هعلق خالص
بس مقدرتش على التغيير ده
فقلت أعمل حاجه تجمع أصالة الماضى و حضارة المستقبل مع بعض التغييرات المطروحه و القابله للتنفيذ و بالطبع لعلمي إن حضرتك هتتعب جدا لو مشفتش التعليق بتاعى
و أنا مشفق على حضرتك من ساعة التدوينه بتاع الأصابع
فقلت أنا لازم أعمل حاجه
فقلت أكتبلك
لا تعليق

No comment

كوتش ناهى


wala akang masbi

للعلم

اللغه الأولى
مش عارفها

التانيه
إنجليزى تقريبا

التالته
أوردو

الرابعه
تجاللو(لغة أهل الفلبين)

طبعا أنا مش عارف منهم و لا كلمه
بس أهو من باب التغيير
و السلام عليكم
لأ قصدى
بااااااااااااااى

محمد فوزى

Anonymous said...

محمد
أنا آسف
هى
MASABI
not
Masbi

و أنا قريت تاسو بيقوللك
بعد كتب الكتاب
إنت فعلا وقعت و لا إيه
هزعل أوى
من غير ما تعزمنى يا بشمهندس
الله يسامحك
عموما إنت اللى خسران
لأن كتب الكتاب لازم يكون فيه شاهدين عدول و منهم واحد اسمه محمد فوزى و طويل

محمد فوزى

FadFadA said...

TASSO
هذه الرؤية للحياة من منظور بيضة في الحقوق الملكية والفكرية تحت دراسة بعنوان "مصر من منظور البيض-ايدلوجية فكريةمعاصرة"....!!!!؟؟؟؟
شفت بقى مين اللي بيقول كلام كبير

و بالنسبة لكتب الكتاب ... فالواحد و الحمد لله لسه بعقله ... على اللأقل لغاية دلوقتي

محمد

FadFadA said...

2ragooZ
وعليكم السلام و رحمة الله و بركاته
و انا برده كنت منتظر نفس الشيء بس انا كمان اتخدعت
:)
كتير قوي عاملين زي حمار الرحى يرتحل و يرتحل و الموضع هو الموضع
و ينتظرون النتائج و يتعجبون بأن الأمور تسوء أو لا تتغير

FadFadA said...

أبورويدا
مش عارف ليه يا محمد بقالي فترة كل ما أقرأ تعليق ليك أحس إنك حزين
هل إحساسي ده صح ؟
و من باب التغيير ... إمتى هتيجي ان شاء الله ؟
وحشتني جدا
محمد

FadFadA said...

محمد فوزي
عارف يا محمد بكون سعيد جدا جدا لما بقرأ تعليقك عشان بحس فيه إنك سعيد
و الله بحبك في الله
و أتمنى إنك تكون سعيد على طول في الدنيا و الآخرة إن شاء الله

MASABI
أنا برده كنت بقول فيه حاجة غلط ... كده فهمت

يا بني انت مش اتصلت بيا يوم كتب الكتاب و باركتلي !؟؟

ادعيللي كتير قوي يا محمد لحسن محتاج الدعاء قوي قوي
و نفسي أشوفك

محمد

ابو رويدا said...

احساس صح و بصراحة بحاول اخرج نفسى من الموود ده بس مش عارف كل ما اخرج منه ارجع تانى لما اقعد لوحدى لدرجة انى بدات امبارح فى قراءة كتاب لا تحزن لعائض القرنى
ادعيلى الكتيير
انا لسه قدامى مش اقل من 9 شهور على النزول اتمنى ان اراك على خير و ان يؤلف الله بينك و بين زوجتك و تكون لك نعم الزوجة

أنسانة-شوية وشوية said...

يااااااااااااه
لا بجد غير، انت عارف انا مش متخيلة المفترض ان حد لما ينوى بجد انه يتغير بيغير فعلا، اذا هو لم يرد التغيير هو فقط من باب التغيير ليس إلا.
المهم الف الف الف مبروك بارك الله لكما وبارك عليكما وجمع بينكما في خير
ابقي طمنا عليك حاسة انك حزين ليه

googler said...

Although there are differences in content, but I still want you to establish Links, I do not
fashion jewelry