Friday, November 21, 2008

استغاثة



نداء استغاثة من مجنون وصل إلى أقصى درجات الجنون


أعلن أنا المجنون أعلاه و أنا فاقد لكل قواي العقلية بأن الأسرة الكريمة - اللي هي أبي و أمي - قد قررت زواجي – مجبرا أخاك لا بطل – يوم الاثنين المقبل الموافق 24 / 11 / 2008 عقب صلاة العشاء إن شاء الله بمسجد المصطفى , و قد صدرت الأوامر بـأن يبلغ الحاضر الغائب


و قد توقع الخبراء خلال الفترة المقبلة بأن المغلوب على أمره و المأسوف على شبابه إما أن يزداد جنونا أو أن يفقد عقله نهائيا , كما فقد قلبه من قبل و أعطاه لحبيبته , اللي هي زوجته



كما يتوجه بالشكر لكل من ساهم أو ساعد في إتمام هذا الأمر و على رأسهم شاهنشي على كل ما فعله و اللي مش عارف أقوله إيه و محمد محمود على مشوار دمياط المحترم و عمار على الحوض و ياسر على الواسطة و غيرهم الكثير و يقول لهم جميعا - مردودلكم

كما يرجو كل من يملك نصيحة أو طريقة لوقف هذه الجريمة في حق الحرية أن يتكلم سريعا أو فليصمت إلى الأبد و عليه من الله ما يستحق

و إنا لله و إنا إليه راجعون
و مانجلكوش في حاجة وحشة



المقر بما فيه الفاقد لعقله و قلبه
محمد

17 comments:

شهيدة said...

بارك الله لكما وبارك عليكما وجمع بينكما في خير

الف مبروك

عمر الله بيتكم بالطاعه والسعادة
ورزقكماالذرية الصالحه .. تكن لكم عونا في الدنيا وذخرا في الاخره

ابو رويدا said...

بارك الله لكما و بارك عليكما و جمع بينكما فى خير
كان نفسى ابقى موجود علشان اشهد هذا الزواج المبارك لكن قدر الله و ما شائ فعل
ربنا يتمم بخير و يجعلها لك كخديجة فتكون لها كاخلاق محمد صلى الله عليه و سلم

امام الجيل said...

مبارك

بارك الله لكما وبارك عليكما وجمع بينكما فى خير

أنسانة-شوية وشوية said...

بارك لله لكما وبارك عليكما وجمع بينكما في خير
الف الف الف الف مبورك يا محمد
ربنا يملأ بيتكم طاعة ومحبة ورحمة ويجعلكم لبعض نعم السكن

اذا كان علي النصحية انا دايماً بقول من لم يمت بالزواج مات بغيره
ههههههههههه طبعا هزار بجد احلي حاجة ان ربنا يجمعك بحبيبتك وتكونوا زوجين

ســـــــارة said...

ما شاء الله لا قوة إلا بالله

بارك الله لكما وبارك عليكما وجمع بينكما في خير

esraa said...

ألف مبروووووووووووووك

ربنا يكملك علي خير يارب

بارك الله لكما
وبارك عليكما
وجمع بينكما في الخير

SHAHEENSHY...فوضى منظمة said...

محمد ..اذا سمحتلي اقولك محمد .. انا شعوري بجد مش عارف أوصفه .. خليط من فرح وقلق وشغف وانتظار وسعادة وحب .. بس أنا مش عارف أنت بتشكرني على أيه .. والله أنا حاسس اني مقصر جدا .. ربنا يبارك لكما وعليكما .. حافظ على زوجتك .. وراعي حق ربنا فيها .. دي نعمة عظيمة من ربنا .. وان كنت عايز نصيحة لمنع الجريمة .. الموضوع سهل جدا بس مش هقولوا على الملأ .بيني وبينك بقى .. وربنا يستر
ربنا يوفقك يا محمد .. جزاكم الله خير

Anonymous said...

الله أكبر
ربنا يبارك لكما و يبارك عليكما و يجمع بينكما فى خير

أسعدتنى جدا جدا جدا جدا والله
و أحزنتنى جدا عشان مش هكون موجود
يعنى تكتب و تبنى و أنا مسافر
ده أنا اللى كنت معطلك بقى
يا أخى ربنا يباركلك فى الزيجه كلها
و كده أقدر أقول
فقدت واحد من أعز إخوانى ((زى ما فقدت قبله كتير ))
ربنا يتمملك يا رب و يسعدك دنيا و آخره
بالمناسبه
هبعتلك تسجيل فيه بعض الآيات بصوتى عشان تفتتح بيه الفرح لأنى مش هكون موجود للأسف
و الحساب على النوته
سلام عليكم يا هندسه
الشيخ محمد بيه فوزى باشا

عصفور المدينة said...

بارك الله لكما وبارك عليكما وجمع بينكما في خير

2ragooZ said...

السلام عليكم
الف مليون مبروك
انا فعلا فرحان ...
اهو كده ..مش تقولى نام وصحى وصحى ونام ..

يلا انوى كده حياه جديده ..وافتكر انك هاتكون سبب فى كل حاجه هاتحصل.. عشان تبنيها صح

لو كنت اعرف المكان كنت جيت بس يلا خيرا ان شاء الله

بارك الله لكم وبارك عليكما وجمع بينكما فى خير

soso said...

الله يامحمد
بجد خبر جميييييييييييييل جدا
ربنا يبارك فيك يارب وتسعدها زى ما انت دايما بتسعدنا
بارك الله لكما وبارك عليكما وجمع بينكما فى الخير
وان شاء الله تعدل اسم مدونتك وتخليها فضفضة من اسعد انسان
ربنا يتتم ليك على خير يااخى
وعقبالنا بقى كفاية كدة عقل

ياسر سليم said...

ألف ألف مبروك

وبارك الله لكما وبارك عليكما وجمع بينكما فى خير

انسااااااااانة....غريبة said...

يعنيى ليه كده يضنايا مانت كنت عايش سعيد ومبسوط

يلا كلنا لها ولك يوم يا .. مجنون

وكله فانى صدقنى


بس بجد بجد

مبروووووووووووووووووووووووووووووووك نفسى اشكرها شخصيا انها هتريحنا من تدويناتك شوية ههههه

لا بجد ربنا يسعدكوا يا رب ومتنساش اول بى بى تعلمه التدوين عشان يكمل المسيرة معاك باذن الله وتكبر سلسلة المجانين وتزيد الفضفضة


اللهم بارك لها وبارك عليهما واجمع بينهما فى الخير

Anonymous said...

أخي و أستاذي و ان زدت فهو حق لك من فضل الله علي الذي جعلك سبب فيه
بارك الله لك و بارك عليكما و جمع بينكما في خير
و استبيحك عذرا لعدم مجيئي في هذا اليوم الميمون فقد كنت أستكمل اجراءات دخولى الجيش
أدهم

Anonymous said...

ياجماله ياجماله ياجماااااااااله...افراح افراح وورود...محلى الليلة محلى الليلة...وصلي صلي...ياه فعلا الواحد صوته اتنبح ...يلا كله يهون علشانك ياهندسة ....واكيد هتترد....ربنا يباركلكوا ويكرمكوا ويسعدكوا دايما يارب.....وعقبالي بقى ...مع اني عادي مش مستعجل خااااااااااااااااااااالص بس يلا اللي مكتوب على الجبين لازم تشوفه العين ....وصوت جوه قلوبنا ....على فكرة كتب كتاب ودخلة الداعية الضيائي الكبير عمرو خاطر رابع يوم العيد"الخميس"...وطبعا لازم تحضر علشان ترده بعض افضاله اللي فكرك بيها يوم دخلتك ..يعني من باب توقير العلماء.....هنستناك ...قصدي طبعا بعد ما تستأذن يا....متجوز


Tasso

م/ الحسيني لزومي said...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا
م/ الحسيني لزومي
مدونة /مواطنون ضد الشعب

superior said...

chloe bags
chloe handbag
chloe handbags
chloe paddington bags
chloe paddington bag