Friday, April 24, 2009

آه لو أفهمه


تعبت خلاص
و مش عارف أفهمه
غلب حماري معاه
يا ترى هو بيفكر في إيه
و عايز إيه من الحياة
كان نفسي يكون عندي قدرة
قراءة الأفكار
ساعتها يمكن أفهمه
و أعرف بيفكر في إيه
اللي كل يوم أشوفه
... في المرآة

23 comments:

Anonymous said...

بسيطة


أعد مع نفسك واسألها

فوضى منظمة said...

ايه ده؟!!!!؟
هو الراجل ده بيطلعلك في المرايا برده؟!!!؟
ده يظهر بقى بيجي لكل الناس

المشكله بجد انه بيلياتشو .. كل يوم بوش

وبعدين بيبقى رخم أوي .. ببقى عايز أشوف نفسي في المرايا ومش عارف ..واقفلي .. أجي كده يجي هو كده ..أروح كده يجي ورايا

زهقت

ما بقتش ابص في المرايا أصلا

سلام

Anonymous said...

رجعنا تاني للفلسفة والكلام اللي مش مفهوم .....وانا اللي قولت ان حالك هيتعدل بعد مااتجوزت...ومبقاش عندك وقت ولا نفس تتفلسف ...ما علينا....بس انا فعلا لما ببص في المرايه اليومين دول خصوصا بعد الجواز بلاقي نفسي بعمل حركات غريبة بوشي بلا وعي ...ابتسامة بلهاء مع حول في العينين مع خروج اللسان باعوجاج ناحية اليمين ورفع الحاجب الشمال وساعات بنعكش شعري...طبعا بالوضع ده اكيد بفهم اللي في المرايا ده بيفكر في ايه وايه اللي في دماغه....واضح جدا طبعا....بس مش عارف ده ليه علاقة بالجواز ولا لا...انا خايف لحسن حالتي تتطور من كتر "الفرحة" اللي انا فيها ....اخوك بلحة

TASSO

Anonymous said...

السلام عليكم

المرايا فى متبصش أفضل رأيى من

الأطراف لجميع أريح


فوزى محمد

FadFadA said...

أعدت
و سألت
و لم أقتنع بالإجابة

FadFadA said...

shaheenshy
يعني انت لما بتبص في المراية بتشوف نفس الشخص اللي بشوفه أنا !؟؟
بقى ده كلام ناس عاقلين !!!!؟؟

و بعدين هو ليه الموضوع قلب كده على أوبريت المايسترو عبدالباسط حموده ( أنا مش عارفني )0

تبقى تيجي تبص في المرايا اللي عندنا

محمد

FadFadA said...

Tasso
انت شايف ان ده فلسفة
ماشي
اسمع بقى تحليل اللي حضرتك قلته

طبقا لسيكولوجية اللاشعور و تحولات ورموز الليبيدو للمحلل النفسي يونغ قد ينظر إلى ما تقول على انه نتيجة حتمية للاوعي الجمعي و ليس مجرد راجع للاوعي الشخصي
فطبقا لما تقول هو ليس مخزون الخبرة الشخصية المكبوتة. و إنماهو مخزون أثرى وأعمق، حيث يحتوي على الخبرة البشرية التي نتجت عبر تراكم تاريخي طويل، بكل أنساق معتقداته وأساطيره وعوائده
و لكن احذر فكما قال( كين كيسي) في روايته طيران فوق عشّ الوقواق): "..إلى الذي أقنعني أنّ التنانين لا وجود لها، ثم قادني إلى عرائنها"!.. 0
ويقصد بالتنانين : مكنونات اللاوعي, و هو موجود في مكان آخر أكثر حداثة من العرائن والكهوف البدائية، خائر العزيمة ومريضا.. ومن الطيش القول إنّ المغامرة – لذلك- مأمونة العواقب وأن لا خطر محدقا بالباحث طالما أنه لا تنانين هنالك

و أكتفي بذلك

محمد

FadFadA said...

فوزي محمد
جواها من بتكلمني انت كنت إذا
بصش ما انا اشمعنى

اركش و

شهيدة said...

ثمة قاعدة اقتنعت بها بعد طول عراك مع المرآة وشخصنا الثاني الذي نراه فيها

أن النفس من أسرار الله .. لن تفهمها جميعا

Anonymous said...

هه!!!!!!!! بقى كده برضه ياهندسة ترد عليا اول سطرين بالعربي والباقي باللغة الرواندية ...مع انك عارف اني ضعيف في الرواندي جدا...شكرا جدا....مع ان الحروف تدي على عربي...لا لا لا هي رواندي...صحيح هي رواندي بس ولا تشيك رواندي


tasso

ابو رويدا said...

اظن مش المهندس محمد اللى يقول كده
و الا يبقى فى حاجة جديدة طرأت عليك و انا حاسس ده من فترة يمكن اكون مش بتكلم معاك لكن حاسس
لازم تعرف انت عايز ايه و رايح فين
ممكن نكون بنبص فى المرايا و نفسنا الامور تتغير او يتبدل الحال
الموضوع كبير قوى

ابو رويدا said...

هاقولك كما قالت الفنانة شرين : هاتعمل ايه لو نمت يوم و صحيت بصيت و شفت نفسك فى المرايا بكيت
جواك سؤال تصرخ تقول انا مين انا مين انا زى ماانا و لا اتقسمت اتنين
على فكرة اغنية حلوة اسمعها
هتحس بيها زى انا ما حسيت بيها لانى مريت بنفس التجربة

Anonymous said...

معلش اعتراض ع الطاير ........الاستاذ محمد سنوسي بتاع الطالبية المحترم قال ايه بيقولك اسمع اغنية مش عارف ايه ولمين قال لشرين..انا مش هرد ...هسيبك انت اللي ترد ياهندسة...احنا جايين نهدي النفوس بس...هي هي هي


TASSO

ابو رويدا said...

طبعا انا عايز ارد على اللى اسمه ايه قال ايه " تاسوو " المهم ناهيك عن الاسم و مدى قبوله شرعا - انا هاسيبك انت يا هندسة بعد ما تسمع الاغنية ترد على اللى اسمه قال ايه " تاسوو " .... و عجبى

ابو بدر الدين said...

سلام الله عليكم ورحمته وبركاته
ربنا يهدي الجميع
اللي في المرايا
واللي براها
واحنا معاهم يارب
شرفوني في بيتي الوطن ده وطني
ان شاء الله راح اكون زبون في هذه المدونة
وربنا يسهل
وسلا ل لل ل ل م م م م م

Fahd said...

واحشني جدا

كان نفسي اقابلك

بجد

FadFadA said...

شهيدة
إن لم نفهما
فكيف سنتعامل معها !؟

محمد

FadFadA said...

Tasso
رواندي تشيك
:)

محمد

FadFadA said...

أبورويدا
حبيبي
الكلام ده أنا كتبته من سنتين تقريبا
و مش عارف ساعتها كنت كتبه بسبب حاجة و لا مجرد نقل إحساس

بجد ... اطمن عليا

محمد

FadFadA said...

أبورويدا و تاسو
يا جماعة ماينفعش كده
هتمسكوا في بعض قدام الناس
احنا نعمل قعدة عرب
و نصفي الموضوع
بس الأكل على حسابكم

محمد

FadFadA said...

أبو بدر الدين
آآآآآمين
ة أشكرك على الدعوة

محمد

FadFadA said...

Fahd
و انت واحشني أكتر
شوف إزاي نتقابل و انا مستعد

محمد

لاسع افندى said...

سمعت اغنية المرايا بتاعت شيرين؟